من الآن نستعد لرمضان ....

بجد شكرا على الموضوع الجميل جدا يا تسنيم
وفى انتظار باقى المواضيع
ويارب ينقى قلوبنا جميعا وتصفو نوايانا ونبلغ الجنه
ياأمين يارب العالمين

شكرا كتير على ردك يا سوسو
آآآآآآآآآآآآآآآآآمين يا رب ع الدعوة الحلوة دى

نواصل من الآن نستعد لرمضان للشيخ هاني حلمي

(2)

كيف تنال رضا ربك ؟قـــاعدة ذهبية
عظ نفسك بنفسك
خذ من نفسك كل حكمة وموعظة
فك نفسك من حبسك
الدنيا وشهوات الدنيا والهوى وما أدراك ما الهوى
يأخذ بك ها هنا وها هنا
فك نفسك من حبسك
لا تشغل نفسك بأحوال الرفيق والصديق
ولا تشغل نفسك حتى بأحوال أقاربك لا زوجة ولا أولاد ولا ولا
اذا أحب الله العبد اقتناه فلم يشغله بزوجة ولا ولد ولا مال
ابدأ بنفسك ثم من تعول
اذكر الله في الخلوات يحفظك من السيئات
اذكر الله في خلوة ده هيحفظك من الوقوع في السيئات
وعليك بالجد والاجتهاد
شغلت النفوس بالقليل الفاني
ونحلت الأبدان بالتسويف الأماني
المفتاح في الجد والاجتهاد
نري الله من أنفسنا بحوله وقوته اننا صادقين في طلب رضاه
قولي طب ده يجي ازاي؟ يتزرع جوايا ازاي؟
ميحصلش الكلام ده الا لم تحس انك ممكن تموت ولا تبلغ رمضان
وليه لأ ربك ؟

عندك صك أمان ؟
محدش عنده صك أمان
لازم يكون عندك شوق يفجر طاقاتك
لازم يجي على بالك لذة الطاعة في رمضان
افتكر رمضان اللي فات وانت قاعد في وسط الصالحين واقشعر بدنك
انت لا تعمل لتنال شئ انت بتعمل ليه لله
شم ريحة رمضان الشوق يبلغك المعاني دي
لو صدقت الله هتلاقي نفسك في أفضل حالاتك الايمانية
اسمع الآية دي
ولو أرادوا الخروج لأعدوا له عدة ولكن كره الله انبعاثهم فثبطهم
دول ربنا عارف ما بقلوبهم .. دنيا ... فثبطهم
الحق وطهر قلبك لتقطع الطريق الى الله
فالطريق الى الله بقطع بالقلوب لا بالأقدام
اسمع الآية دي
ونقلب افئدتهم وأبصارهم كما لم يؤمنوا به أول مرة
ونذرهم في طغيانهم يعمهون
أول ما سمعت الكلام رد فعلك كان ايه؟
مثلا يوم تصلي خاشع وحاسس ويوم تاني بعيد لأن قلبك قلب وبيتقلب
لازم ناخد القرار
لو كنا مش هناخد القرار دلوقتي يبقى امتى
قولها من جواك انا عايزه ومش عايز غيره
هقولك حكاية ولد
الولد ناشئ في بيئة طيبة صالحة
لكن الولد مشي في سكة البنات
لكن في ظل ما هو منحرف بيقول انا متخلقتش للسكة دي
وفعلا ربنا تاب عليه عمرة وحج وأصبح شخص آخر
الحافز الداخلي يكون خوف مقلق ورجاء مرغب
حاجة كمان انك لازم تعرف انك ليك رصيد
عايزك تحوش قرشين في بنك الحسنات
تأمل هذه الآيات
وما كان الله ليضيع ايمانكم
وما تقدموا لأنفسكم من خير تجدوه عند الله
هذا الرصيد الايماني هو ما بلغ ابا بكر منزلة الصديقيين
ابا بكر له رصيد في كل الأبواب
باب الجهاد والصدقات و...

ما هي الخطوات العملية للاستعداد لرمضــان؟....
يتبع ان شاء الله تعالى

[size=18]اللهم بارك لنا في شعبان وبلغنــا رمضان
نواصل من الآن نستعد لرمضان للشيخ هاني حلمي(5)


وصلنا للتوبة كخطوة من خطوات الاستعداد لرمضان


وقولنا ان علينا ان نتوب من خصال النفاق


التكاسل عن الصلاة وقلة الذكر
نتوب من الكذب في الحديث
ولا نخون الامانات


وبعد خصال النفاق علينا ان نتوب من


@@ ذنوب السر التي تهدم ما بينك وبين الله وتضيع ايمانك

يقول الرسول صلى الله عليه وسلم

لأعلمن أقواما من أمتي يأتون يوم القيامة بأعمال

أمثال جبال تهامة بيضاء فيجعلها الله هباءا منثورا

قال ثوبان صفهم لنا
قال الا انهم اخوانكم
ومن جلدتكم
ويأخذون من الليل كما تأخذون
"بتوع قيام ليل كمان"
ولكنهم قوم اذا خلوا بمحارم الله انتهكوها

اوعى والسكة دي
اوعى ذنوب الخلوات
تقطم ضهرك
والله لو كنت في أعلى قمة من الايمان
ذنب سر من دول
يجيبك الأرض

مش قادر على نفسك .. لا تخلو بنفسك اشغل وقتك


@@@علينا أن نتوب من آفات اللسان

اشمعنى الحاجات دي منقيها
لأن الحاجات دي بتهدك
شوف الرسول صلى الله عليه وسلم بيقول ايه
لا يستقيم ايمان عبد حتى يستقيم قلبه
ولا يستقيم قلبه حتى يستقيم لسانه

عشان كده عايزين بأه حاجات لازم تتوب منها دلوقتي
زي ايه
خفف كلامك
بلاش لغو
صفة عباد الله المؤمنين
والذين هم عن اللغو معرضون
بطل بأه
كتر كلام في التليفونات
بلاش القصص والحكايات
بلاش قيل وقال
فالله يكره ذلك
بل ينزل عقوبته وغضبه وسخطه من قيل وقال
قال رسول الله صلى الله عليه وسلم
ان الله كره لكم ثلاثة
كره لكم اضاعة المال
وقيل وقال
وكثرة السؤال
الزمان ده زمن الجد مينفعش نرغي


خفف من مزاحك الزائد عن الحد

الرسول يقول
وأقل الضحك
فان كثرة الضحك تميت القلب
خليك معتدل امزح داعب بس خفف
انا مبقولكش اقفلها لكن خفف
الرسول كان يقول اني لأمزح ولا أقول الا خيرا
هل الصحابة كانت تضحك نعم والايمان في قلوبهم مثل الجبال
ممكن أضحك لكن متقضيش طول النهار والليل ضحك


عايزين نتوب من الغيبة والنميمة



واحد من الاخوة يقولك انا عارف الضوابط في الغيبة
ولا هوه عارف ولا حاجة
ويجيب باه في سيرة ده واحوال دي
اقفل لسانك شوية
لاتخض في أعراض الناس
اشغل نفسك بحالك
ماشي هوه فيه كذا وكذا وكل العبر
لكن لو جبت سيرته وقولت عليه تبقى غيبة
ولو قولت اللي مش فيه تكون قد بهته وهذا ذنب أعظم


@@@@
عايزين نتوب من الاختلاط الفاحش لا سيما بين النساء والرجال

اياك وطريق النساء
ما تركت بعدي فتنة أضر على الرجال من النساء
وهكذا العكس
خالط في الشئ الضروري
لكن في الشغل مثلا قاعدين نتكلم
أحدث السيارات والموديلات
والشغل والناس
مش هتلاقي في قلبك يقين
ولا رغبة في الآخرة

@@@@@

عايز قلبك يفرغ من حرقته على مالك وعيالك علشان يصلح
والله ما حد هينفعك غيره ووالله لتذوقن المرارة في معاملة الخلق لتعرف انه
لا ينبغي لك ان يكون في قلبك محبة الا له

جرب دوق
هيه مرتبطة بيه
حياتها جوزها
لو انصرف عنها ولا اتجوز عليها تبقى في قمة الانشغال
ليه يا أختي؟

ليس هذا طريقك لربك

انتِ تطيعينه فقط على معنى التعبد للهوهوه بردو مشغول بيها وبطلباتها
وبطلبات أولادها
ده حال جمهور الناس
عشان كده عايزك تقول لنفسك لامتى كده
قف الوقفة دي
فرغ قـــــــلبك لربك


@نريد ان نتوب من ضياع الوقت في غير طاعة الله

@نريد ان نتوب من الخواطر الفاسدة فنفسك ان لم تشغلها بالحق شغلتك بالباطل

@نريد ان نتوب الى الله من الاماني الباطلة من أحلام اليقظة فوقوا مش دي سكتنا



@نريد ان نتوب من العجز والكسل
خلاص زمان الراحة راح


أقولك روشته للكسل؟

1-متقولش أنا كسلان
يقول بن عباس
أكره ان يقول العبد انا كسلان
يابني قوم تعالى

لا انا مكسل حبتين

متنطقهاش على لسانك الكلمة دي
علماء النفس بيقولوا ايه
لا تستدعيها أمامك لأنك هتعيشها
متقولش هنتكس هقع قول يارب ثبتني
متقولش حتى أخاف أن
زي مثلا
متقوليش هطلق انا هتطلق خايفة أطلق

متستدعيش الأمر السلبي
لان طول ما انت مستدعي الأمر السلبي هتعيشه
خذ الأمر
بالفأل الحسن
فالله لا يحب الطيرة


2-اذا لم يكن ما تريد فأرد ما يكون


هشرحهالك
هيه مش ماشية معاك في السكة دي
حفظت قرآن منفعتش
اتعلمت عقيدة منفعتش
شوية في الفقه ومكملتش
مشيت مع العباد اللي بيصلوا قيام وليل نهار وكسلت وفترت

ده معنى اذ لم يكن ما تريد
يعني مقفلة ومبتجيش
أرد ما يريده الله

عليك ان تتقبل هذا وترضا بما قسمه الله لك
متقولش انا مش نافع
ووقتها لن تثبط ولا هيجيلك احباط ولا يأس
قول قدر الله لا يأت الا بخير


3-استكثر من عمل تقوم به وتزداد به قوة
شوف انت نافع في ايه وزود منه
من يتعبد يزدد قوة ومن يتكسل يزدد فترة
لا تحقرن من المعروف شيئا
حتى لو تسبيحة واحدة
تطلع فوق لها دوي كدوي النحل تذكر بصاحبها


4-أقل من النوم
فان كثرة النوم يميت القلب ويثقل البدن

5-أكثر من قول النبي
اللهم اني أعوذ بك من العجز والكسل
قال الرسول اعجز الناس من عجز عن الدعاء



الموضوع سهل بس الشيطان مخليك مستصعبة




نريد ان نتوب الى الله من الهزيمة النفسية
عش وتمتع ورفع رأسك بأنك من الصفوة

فقد اختارك الله لتكون مسلم
اختصك بالتوحيد
اختصك الله ان تكون من اهل السنة
دي متخلكش ترفع راسك؟

واوعي تكون من أصحاب دنو الهمة علي همتك
اسمع معايا الآية دي

رضوا بأن يكونوا مع الخوالف وطبع على قلوبهم فهم لا يفقهون فأعقدهم نفاقا في قلوبهم الى يوم لقونه

نشط نفسك
اذا مشيت فهرول
واذا دعيت للخير فشمر
جد واجتهد


همسة في أذنك من ابن الجوزي

ألا يلين القلب القاسي أصخر أم فولاذ
تدعي العجر في الطاعة وفي المعاصي استاذ


بكده خلصنا التوبة
لكن يا ترى ما هي بقية خطوات الاستعداد؟


يتبع[/size] [size=24]ان شاء الله تعالى[/size]

ميرسى يا تاتوس
بجد جزاكى الله كل خير

و جزاكى مثله ريرو
thx 4 passing

بجد موضوع حلوى اوى اوى

وعندى ملحوظه ضعيرة فى دعاء للتكفير عن الغيبه او النميمه
وهو عندما تتذكر انك اغتبت فلان فعليك بان تقول((اللهم اغفر لى وله))
وجزاكى الله كل خير

جزاكى الله خير يا سوسو على الملحوظة دى

موضوع تحفة يا توتى

وتم التثبيت يا قمر

ميرسى على ردك و ع التثبيت يا حبيبة قلبى

جوووووووووووود
موضوع

جووووووود
رد

جزاك الله كل خير

جزاكى اللة كل خير يا اتوس
قشطة على المواضيع الجاااامدةدى

قشطه في موضوع اسلامي يا هنه ماشي؟؟؟؟؟؟؟؟؟؟

اعمل اية بقا يا علام متعود على قشطة مانت عارف


نيس توبيك

متعود علي قشطه اوك ياواد

اوك انت بتشيت ههههههههههههههه
ماشى يا صديقى

انا برده لا انا هنا علطول في الموضوع علشان الموضوع عجبني وبشكر تاتوس انت هنا ليه

علشان انت صديقى
والموضوع عجبنى اوى اوى اوى والتكرار للتوكيد
وشكرا يا تاتوس

اوك
جووووووووووووود تتوبيك للمره الاربعين