1- ايه رأيك فى الحياه حاليا؟؟
بصراحه الحياه دلوقتى بقت ممله وخصوصا اننا اتفرقنا وكل واحد دخل كليه وبعدنا عن بعض
2- ايه رأيك فى اللمحله؟ ولو هتهاجرى لبلد تانيه تروحى فين ؟؟
المحله انا بكرها جدا من الحاجات اللى بشوفها فيها واللى بيحصل فيها. احنا اصلا كنا هننقل القاهرة تانى بس اللى مقعدنا هنا قرايبنا وبصراحه انا مكنتش عايزة امشي عشان صحابى لانى ماقدرش ابعد عنهم. ولو ههاجر نفسي اروحاسكن في اسكندريه على طوول
3- كام واحده صاحبتك غدرت بيكى او خانتك ؟؟
هي واحده بس كانت خيانتها وغدرها كبااااااااااااااار قوي وصدمتنى فعلا
4- ممكن تتخلى عن صاحبتك لمجرد انها كدبت او غدرت بيكى؟؟
والله دي تفرق على حسب الغدر او الخيانه. بس صاحبتى اللى سيبتها دي كان لازم اسيبها عشان خيانتها زي ما قلت كانت كبيرة قوي
5- ايه اكتر الاشياء اللى بتجذبك فى البنت وتخليكى حبه تصحبيها اوى؟
انها تكون زيي وتقريبا نفس تفكيري وان انا اتعلم منها وهى تتعلم منى وتكون بتحبنى بجد واهم حاجه تكون مصاحبانى لله مش لمصلحه
6- وبرضه فى الولد ايه الاشياء اللى بتجذبك انك تصاحبيه او تحبيه؟
خيييييييييييييير يا سوسكا في ايه مالك بيا النهارده . وحاليا انا مش مصاحبه ولاد بس الصم وبلحه وقطب عشان عرفاهم من ايااااااااام الجيل المسلم. اكيد يعنى مش هيأذونى في حاجه . ولا ايه يا ولاد؟؟ وحكايه الحبيب دي انا قلت عليها قبل كده في اسئله الصم دورى عليه وهتلاقيه
7-اصحابك بالنسبه ليكى ايه ؟ وممكن تقدرى تعيشى من غيرهم؟
اصحابي كل حاجه في حياتى بعد اهلى طبعا. ومقدرش اوصفهم باي حاجه .لانى لسه ملقتش حاجه اوصفهم بيها من كتر ما بحبهم وبحترمهم كلهم. وسؤالك غبى اوي يا اربر . ازاااااااااااي اقدر اعيش من غيرهم؟ دا انا كنت امووت.
8- بتؤمنى بالحب من اول نظره؟ لو كانت اجابتك اه ليه وازاى ؟ ولو كانت اجابتك لا فسرى؟
عاده الحب من اول نظرة ممكن ينجح بس يكون حب صادق زي ماقلت قبل كده. لكن لو واحده شافت واحد وعجبها وقالت تحبه عشان تنسى واحد كان مطلع عنيها دا اللى ماينفعش لانها لو عمت ايه مش هتقدر تنسااااعه باللطريقه دي. وازاى ان انتى لو بصيتى في عنيه وهو حاسك يبقى اكيد هيفهمك. دا رايي
9- لو قالولك هتمثلى فى فيلم..... تختارى تبقى مين؟؟
* السلم والتعبان : احب ابقى صاحبه حلا في الفيلم
* ازاى تخلى البنات تحبك : احب ابقى سميه الخشاب
* مافيا : اكيد منى زكي
* عماره يعقوبيان : مش بحب الفيلم اصلا فمش هبقى عايزة اكون حد منهم
* saw : انا قلت قبل كده انى مش حافظه اسماء الممثلين الاجانب قوي يعني عارفه شويه على قدي. فبلاش احراج بقى
* the ring
* hanckok
* transporter
10-لو هتغنى تحبى تعملى دويتو مع مين؟
اليسا عشااااااان بحبها موووووت
11-قولى اغنيه واحده لكل مطرب من دول وقولى بتحبيها ليه او بتفكرك بأيه او بتمثلك ايه؟؟
* عمرو دياب : اغنيه قلت ايه . بتفكرنى بفيلم the city of angels عشان عندي جزء من الفيلم الاغنيه متركبه عليه
* تامر حسنى : اغنيه اوصفلك . عشان دينا بتحبها قوي وكل لما اشوفها الاقيها مشغلاها . بس الاغنيه جامده
* عبد الحليم : اغنيه انا لك على طوول عشان بغنيها انا وبابا على طوو لما بنسافر ونبقى قدام البحر لازم نغنيها
* اصاله : مش بسمعلها خالص. بس اغنيه اكتر من اللى انا بحلم بيه بحس انا مجنونه وروشه كده
* اليسا : كل اغانيها جاااامده : واكتر اغنيه لو تعرفوة بتفكرنى ( برمانه) واحد قريبنا
* جنات : دي بقى بحس انها بتتسهوك وهي بتغنى بتستفزنى . بس اغنيه بحبك بحبها من يوم رحله دريم لانها اشتغلت في الباص وكانت حلوة
* حسام حبيب : اغانيه برده حلوة قوي بحب اغنيه شفت بعنيا بتفكرنى بالبحر مش عارفه ليه ؟؟؟؟
* رامى صبرى : طبعا اغنيه كلمه مش عارفه بحبها !
* هيثم شاكر الشريط جاااااااااامد كل ااغانى حلوة بس انا بفضل اغنيه ايامي معاك عشان اشتغلت في فرح منى وكانت تحفه
*فيروز : ليها اغنيتين بحبهم قوي . اغنيه بعدك على بالي بحبها لانى كنت حطاها عى الموبايل لفيديو انا بحبه قوي
واغنيه سهر الليالى عشان رقصنا عليها في فرح علياء اختى وكانت حلوة قوي
12- لو كنتى مكان الاتى كنتى هتعملى ايه؟ وليه؟
* الرئيس: هشيل كل الوزراء واحط صحابي
* وزير الدخليه: هخلى قدام بيت كل واحد ظابط
* وزير التربيه والتعليم: مش هيبقى في تعليم اصلااااااااااااا
* وزير الاسكان: هعمل كل الشقق تمليك ومفيش ايجاار خالص و. هموت وابنى بيت ارضيته من زجاج وتحتيه مبه بسمك. يا لهوي دي تبقى تحفه
* رئيس الوزراء: هخليه يخدم صحابى لما اشيل الوزراء كلهم
* وزير الاعلام: انا وصحابي نختار اللى احنا عايزين نتفرج عليه ونخليه يعرضه
13- بتحبى تخلى كل حاجه حوليكى اللون اللى انتى بتحبيه؟؟
اااااااه اوقات . بس افرضي كنت انا متضايقه والدنيا سوده مش لازم يعنى اسودها على اللى حواليا. بس بيحسوو انى مخنوقه. ولو فرحانه وادنيا بمبى زي ما بيقولو ببقى نفسي الناس كلها تحس اننا فرحانه ويفرحو معايا
14- لو اتخطبى (( بعد الشر يعنى ) ولقتيه مش زيك فى كل حاجه خالص مفيش اى اتفاق فى اى حاجه بينكوا بس انتى معجبه بيه اوى ممكن تكملى معاه وتتجوزوا؟؟
لا طبعا . ازاي اقدر اكمل مع واحد مفيش اتفاق ما بينا . يالهوى يا سوسكا دي تبقى مصيبه
15- ايه احلى حب بالنسبه ليكى الحب اللى من بعيد لبعيد يعنى تقضوها بصات وكلام عيون وخلاص ولا الحب اللى بتتكلموا وتعبروا لنفسكوا عن مشاعركوا ؟؟ وليه؟؟
هو في الحالتين حلوين . يعنى لو انا بحبه ومش عارفه اقوله او ماينفعش اقوله هيبقى كفايه انى ابص في عينه
ولو حب اللى هو هينتهى بارتباط يعني مثلا مخطوبين اكيد مش هنقضيها بصات بس لازم هنتكلم ولا اييييييييييه؟
16- لما تقعدى عالهوت او الياهو بتحبى شكل الكتابه عمله ازاى وشكل msn نفسه او لياهو؟؟
بحب لون الكتابه يبقى اخضر او رووز. لكن شكل الياهو او msn مش هيفرق معايا
17- لو حد انتى مش بتحبيه اوى بس هوه بيموت فيكى ولد او بنت ممكت تحبيه او تصاحبيه ؟؟
لو اتاكدت انه بيحبنى بجد ممكن طبعا ابدا اتقبله واعرفه كويس واصاحبه او احبه على حسب
18- بتحكمى على الانسان ازاى ؟؟ وبتحكمى عليه من اول مره ولا لما تعرفيه الاول؟؟
والله مش عارفه اقول ايه.بس ممكن من اخلاقه من تصرفاته من شخصيته من كلامه من تعامله معايا ومع الناس. ممكن اكون باخد انطباع في اول ما اشوفه سواء بالايجابيه او السلبيه . بس لازم طبعا اعاشره شويه واعرف طبيعته ايه وبعد كده احكم عليه
19- اوصفى كل واحده من صحباتك بكلمه او كلمتين كل اصحابك حتى لو 100؟؟
سها : بتفكر بعقلها
دينا : قلبها كبير
ايه : بتحبنا بطريقه مختلفه
ساره : بتحبنى قوي وقلبها عليا وصاحبه صاحبتها بجد
(سوسكا) ( اربر ) : عشريه قوي وطيبه بس مجنونه وهتفضلل ARBER
رنا ( رووني ) : الهاديه العاقله
بسنت : بتخاف على نفسها وعلى صحابها برده
ايه : حبوبه قوي وبوي الواوا يا ايه
نورهان ا ( حموءة ) : شعنونه الشله
شيماء : مرووشه
لميس ( لوللا ) : PRINCES
سميرة : عارفه مصلحتها
سارة : BABY
سلوى : هاديه قوي
منه : بتحب لميس قوي
سارة و سمر : التؤام المرح اللذيذ
ساره ( ساسو ) : قلبها طيب
شيماء صاحبه سارة وسمر : روشه بس عاقله
وطبعا : شله الجيل المسلم وطبيعي استحاله انساهم ولسه صحاابي
في بقى ساره ورنا ونهله وايه وندى ولميس وروضه ومى : صحابي بس مش قوي
يارب ما كونش نسييت حد
20- قولى كلمه ليه D ??
بحبك قوي يا اربر