من المظلوم ؟؟؟؟؟؟؟؟؟ ومن الظالم ؟؟؟؟؟؟؟؟؟؟؟؟

sorry ya gmel bs ana mosh fahem eltobic

لا يا عاشقة انا مش معاكى فى انها توافق على عريس علشان الى مالوش خير فى اهله مالوش خير فى حد المكلمة دى اه صح بس مش فى كل الاحوال ليه تتعس نفسها بقية حياتها , ليه متقررش هيا حياتها بنفسها , ليه لازم نسمع كلام اهالينا فى كل حاجة حتى فى موضوع زى الجواز اكيد لازم نسمع كلامهم بس مش عميانى لو هيا عاوزة ترتبط ماشى مش عاوزة يبقى خلاص مش اجبار و هى لسه صغيرة 18 سنة ولا حاجة مش كبيرة

هى تسمع كلام اهلها لما تكون هيا موافقه اصلا على فكرة الارتباط و اهلها سألوا عنه لاقوه كويس ساعتها ماشى توافق علشان اهلها موافقين لكن غير كده لأ


انتى بتسألى مين المظلوم انا من رايى المظلوم هيا البنت نفسها لانها بجد بتحط نفسها جوا دواااااااااااااااااامة كبيرة و تفكير و كده و ياريتاها هيا اللى حطط نفسها لكن اهلها هما اللى عملوها و البنت يا عينى تتعك فيها و برضه بيبقى فى انسان تانى ممكن توصل درجة الخسائر عنده لما يلاقى حبيبته بتتخطب قدامه انه يتعقد من الحياة و توصل ساعات لدرجة اكتئاب و انتحار و كده لقدر الله يعنى

الجواز مش بالاجبار دلوقتى احنا فى القرن 21 مش 15

موضوع جميل و مناقشة يا جميل ياريت بس نستفيد بيها

انا معاك يا فولى فى كل اللى قلته بس البنت اما تبقى بتحب واحد معاها فى الجامعة مثلا و كل اللى بينهم نظرات و هيا مش واثقة من حبه خالص لأن النظرات دى مبتدلش على شئ و يتقدملها واحد كويس جددا و عيبه ان هيا بتحب واحد تانى مع انه مش عيبه يعنى هيا تعمل ايه ترفضه عشان اللى بتحبه و اللى متعرفلوش راس من رجل و لا تقبله و فيه احتمال ان كل دول يعيشوا تعسة فعلا دوامة انا بسالك و مش فى دماغى انا نفسى حل يلا بس اهو رغى و خلا ص توبيك جامد يا عاشقة ميرسى ليكى كتير

good topic ya 3ash2ah
bas ana mesh ra2y ya tatos
en el 7ob elly bet2ol 3leeh 3ash2ah mesh 7ob nazrat heya bet2ol sem3t stories y3ny 7ob ben 2alben mesh mograd nazraaat

والة انا راى انها تحاول بطل خجول شوية وتسالة باى وسيلة لو معجب بيها او بيحبها خلاص يبقا لموضوع محسوم لو مكنتش فى بالة خلاص يبقا ممكن يطلع العريس الى متادملها دة احسن بكتير منة وهى مش واخدة بالهة
راى انها تدى لنفسها فرصة انها تختار صح وتحت فى دماغها ساعدتها مع مين والى ربنا كاتبهولها هو الى حتشوفة


ولو على ممين الى حيتظلم كل الاطراف هى والى بتحبة والعريس لان كلهم حيبقوا تعسة
والواحد مش كل يوم فرحان الى هو مستنى حاجة تزعلة يعنى الى يريحها ويبسطها تعملة
بس هى لازم تحط فى دماغها انها صغيرة والى جى يتادملها دة مش مجبر عليها يعنى شريها برضة

توبيك هايل يا عاشقة
ثاااااانكس

بعد اذنكم اسمحولى اتكلم واضيف نقطة واحدة بس لكلامكم وهى الرد على " عاشقة المستحيل " فى مجمل الموضوع دة

البنت فى الوقت دة هتبقى هى الظالم .. لانها مش بس هتظلم انسان بيحبها عشان ماتزعلش اهلها

انما هتظلم نفسها وهى رايحة تتجوز وعارفه ان فيه حد بيحبها ..

دى النقطة اللى حبيت اضيفها .. ومعلش مش هقدر اتكلم اكتر من كدة لانى تقريبا بمر بالحكاية دى حاليا

اولا التوبيك جامد يا شوشو

بس هقوللك حاجة .. الولد اللى بيحبها فين من كل دة ؟ احنا على راى الفولى ف القرن ال21 مش 15 يعنى
نظام النظرات دة انتهى دلوقتى لو واحد معجب بواحدة بيروح يكلمها دة بقى بيحبها .. ومقديها نظرات
هيفضل كدة لحد امتى يعنى موضوع النظرات دة خلص

وبالنسبة لمهند هى مش هتروح تقولة انتى بتحبنى ؟طب دة رقم موبايلى مفيش بنت كدة ...

وقوليلها يا شوشو لو جلها واحد وعايز يتقلدمها تحاول تاجل الموضوع دة شوية لحد ما تبقى ف 3 كلية مثلا

او ياريت اما تخلص خالص متغلطتش نفس غلطتى وهترجع تندم ف الاخر لانى عملت كدة ونفس الكلام اللى ملوش خير ف اهلة وكدة وف الاخر سبت خطيبى اهو وندمت انى وافقت اصلا وكلام كدة كتير.. ما علينا يعنى

خليها تعيد تفكير ف موضوع العريس اللى هيتقدم دة لانى هتبقى ظلمت نفسها جدااا مش علشان اللى بتحبة دة علشان نفسها ف الاول

وهتبقى ظلمت نفسها وظلمت الراجل اللى متقدم دة لان قلبها هيكون مع غيرة

وبالنسبة للشخص اللى مقديها نظرات خلية مقديها نظرات اما نشوف اخرة دة اية ؟؟

اولا انا اسفه يا شوشو انى اتاخرت عليكى

انتى عارفه الثانويه بقى


المهم ان رأيي طبعا ان البنت هنا الظالم والمظلوم ظلمت نفسها عشان حاولت
تعمل حاجه مش مسموحه من اهلها يعنى اعتقد محدش هيروح لاهله يقلهم اصل انا والله بحب فلان
وهو انسان محترم بيبصلى بس !!!

دى نحيه من الظلم اللى هتظلمه لنفسها تانى حاجه لازم تبقى عندها ثقه فى اهلها بس مش مطلقه
يعنى الشخص ده جه يتقدم مش لازم يبقى شخص كويس او هيسعدها
هى لازم تتكلم معاه وتقرر بنفسها مش عشان خاطر حد ولا اللى ( بيبصلها )بصراحه مش عاجبنى اللفظ
ولا خاطر اهلها عشان هو لو وحش اول حد هيضر هى و هيبقى تدمير لاعصابها و ساعتها صعب اوى الموضوع
يخلص ببساطه


انا رايي ان اى بنت سواء جامعه او نادى او فى اى مكان تتقى ربنا
يعنى فى كلام مع شباب يبقى باحترام وفى حدود و اهلها عارفين الموضوع ده
ولو فعلا حد حبها بجد هيجى يتقدملها انما متعرضش نفسها لكلمه تتقال او موقف محرج

لان مش كل الناس كويسين

و بجد يا عاشقه التوبيك جميل زى ما قلتلك قبل كده
وتم التثبيت يا جميل

انا مع سولى و سارة فى كلامهم و سارة عندها حق فعلا فى ان عصر النظراتة و اغانى عبد الحليم تحت الشباك ده انتهى مع انها تعتبر خطوة بس هو لو بيحبها ما هيروح يقولها او يحاول يتعرف عليها دول فى جامعة يعنى بس الواضح ان الاخ مش فى دماغه و كمان متتسرعش فى موضوع الخطوبة ده فعلا قدامها المستقبل كله يعنى من الاخر خليها تنفض للبشرية و راى سولى فعلا جامد جدا و انا معاها فى كل كلمة قالتها

3shan shayfa en da 3'lt w eday2t amasar7tyha b da ya 3ash2a

t3rfy dayman el wa7d byb2a 3arf el 72y2a w by5byha 3la nfso

ميرسيييييييييييييييي ياجميل على الرد و المتابعة بس انا شايفة ان التوبيك مش فعال و مفيش حد متابع

انا هرد على الموضوع الاصلى:-
* حكايه حب العيون دى مش اكتر من هبل وتسليه وبس
ممكن اه قصه حب جميله تبدا بنظرات بريئه بس مش معنى كده ان كل اللى بيحصل ده وبنشوفه حب ممكن يكون اعجاب فقط
بس اساسا الموضوع غلط من الاول لو بصينا من ناحيه (( غض البصر ))
* حكايه ان بنات يتقدملهم عرسان فى السن ده:-
ده مش موضوع خيالى لا بتحصل وفى ناس بتتخطب وبتكمل حياه كويسه
بس مش علشان رضا الاهل احنا عايشين فى زمن حديث مش ايام زمان فمش فى حد سواء الاهل او البنت هترضى انها تتجوز وتضيع حياتها مع انسان مش معجبه بيه لمجرد رضا اهلها

انا رايى فى موضوع العلاقه بين البنات والولاد فى الجامعه
انها تكون علاقه زماله فى حدود احترام وادب وبس
اما بجد بنشوف علاقات بجد مش ليها اى لازمه تماما كما انها بتفقد اى نوع من انواع الادب والاحترام

ده رايى وياريت مكنش طولت
ومفيش تفاعل ازاى؟؟؟؟ والموضوع اساسا محطوط احسن موضوع فى لوحه الشرف

هاااااي عاشقة المستحيل
انا عارفة انى اتاخرت جدا بس انا مدخلتش اصلا بقالى فترة كبيرة

بصي انا حرد عالموضوع نفسه من الاول انا شايفة ان البنت ظلمت نفسها بموضوع النظرات دا
وخلته يا خد اكتر من حقه وعمل قصة من مفيش الحقيقة انها بتوهم نفسها انها بتحبه وبنت حكايه على كدا في حين
انها ممكن لو اعدت مع الى متادملها ترتحلو وتحبه ويتم الموضوع عادي خالص

الولد دا لو بيحبها كان اتقدملها غير كدا هى مفروض متشغلش نفسها بيه اصلا
وبعدين مخطرش في بالها انه ممكن يكون بيبصلها اعجاب بس ليه دايما بنخلط بين الاعجاب والحب
هو وقف عند الاعجاب ومحاولش ينقل الموضوع لمرحلة تانيه (الحب او جواز) هى الى
نقلته لوحدها لا وبنت حياتها عليه وممكن تكون دمرت حياه تانيه مع واحد ممكن يكون حبها بس ماضهاش نظرات واتقدم فعلا
يعنى كان مفروض يعد يبصلها الاول عشان ترضي بيه وبكده يبقي اخد ذنوب عشان مغضش بصره

بصي نهايه الموضوع الدين هو الى بيحكم اكيد ربنا امر الراجل انه يغض بصره عشان كدا سبحان الله فعلا لو مشينا حسب شرع ربنا مكنش موضوع زى دا حصل من الاساس ومينفعش نبنى حياه كاملة حتستمر سنين على حاجة حرام اصلا اكيد ربنا كدا مش حيبارك فيها

سوري انا عارفة انى طولت اوى عليكو

يانة على الحب وسنينة مصيبة انا عارفة بس ممكن اقوللك حاجة يا حبيبة قلبى اسمعينى فى ناس فى الدنيا بتفكر بقلبها وفى ناس تفضل انها تمشى بعقلها وفى ناس مترردة عماتنا بين الاتنين المهم والحب مش هكدب عليكى حاجة متجبش بالعقل بس ممكن نتحكم فية وصدقنى ممكن نتحكم فية لو الانسان حكم عقلة لمرة واحدة وحسبها صح وفى الغالب مش هيحسبها صح لان اكيد خبرتة فى الحياة لازم هتبقى قليلة لية ؟ عشان صغر السن وقلة الخبرة وهيبقى محتاج من حد اكبر منة يسعدة المهم نهاية حب اية الى بالنظرات دون وبعدين الى يحب حد فعلا مش لمجرد انة شاف وحدة شكلها عجبتة ولا وحدة شافت واحد شكلها عجبها اة دة بس ظاهرى او شكلى المهم لازم يبقى فى تعامل ودى تكتشف شخصيتة وهو يكتشف شخصيتها سعتها يبقى اسمة حب لان فى توافق مش اعجاب لمجرد نظرات للذالك هى لما توافق على الىقالوا علية امها وابوها سعتها هتتعامل ورسمى وتقررر هيا عايزة اية مش لمجرد حد اعجب بيها بنظرة لا اتعملت معاة ولا قالها ولا عدلها طيب نهايتة اية الكلام دة هنعجب فى بعض ويتهيئلنا انة حب بقى ونقضيها لازم يبقى فى قرار حاسم من البنت ومحدش هيظلم نفسة الا بتفكيرة عماتا سواء الى بيحبها او هى ياريت مكنش طولت عليكم