يوميــات ساره وعمر بعد الزواج

بداية مبشرة اوي يا روكا

بس قصة جميلة اوي وخصوصا الحلقة الرابعة دي

مرسي ليكي يا روكا بس شكلهم هايتنخقوا كتييير

ليه بس ماهم كويسين ربنا ما يجبش خناقبس قصه حلوه اوييييييييييي

دول العزاب دول غلابه يا عم

مين اللى قالك اديك طالع عنيك اهه

أنا ذنبي إيه في الحرب دي يا ربي ؟ كان مالي أنا ومال الجواز وشغل الحموات ده

شايف البلاوى اللى ورا بعضها

بس برغم كل اللى حصل والمشاكل وقرف الجواز لو مراتى عملتلى الليله الرومانسيه دى

بجد امووووووووووووووووووووووووووووووووووووووووووووووووووووووووووووووووووووووووووووووووت فيها

وعمرى ما فكر فى حد غيرها لانى بحب اوى البنت الرومانسيه اللى زى ساره كده

وبصراااااااحه فكره حلو اوى بجد يا ساره انتى برنسيسه

وجميله اوى الحلقات يا روكا ومرسى ليكى جداااااااااااااااااااااا

مش هتفوت الجوازه دي ههههههههههه لا بس بجد دمهم الاتنين أخف من بعص و قصه جميله وطبعا اللي حاططها اجمل ميرسي روكا

wooooooooooooooooooooooow
bgd kesa 3sal awy
a7la 7aga feha enha 7sstny en feh amal
ya3ny ana msh 3aneda wala eltyeb a7san wala 7aga
l0000000000000000000000l
bgd thnx roka de kesa wak3ya we lzeza gedaaaaaaaan

زائر

هاااااااااااااااااااااااااااااااااااااااااااااايل يا روكا يا روحى

و انتظر منك باقى الحلقات

ميرسى بجد لردودكم اللى بترفع من روح الواحد دى وان شاء الله اكمل بقيت الحلقات واعوض اللى انا غبته ده

الحلقه السادسه

قالت ساره

ياااااااااسلام على رواقه الرجاله .. بعد الغداء أخبرني عمر انه نازل يقابل أصحابه وبعدين حايعدي على والدته وحيتأخر ولما أخبرته إني حاعمل أكل الأسبوع نظر لي باستغراب وقال لي : طيب مع السلاااااااامه ، بجد أنا زعلانه منه .. طيب يا عمر لما ترجع

قال عمر

لازم ساره تتعوّد إن كلامي يتنفّذ ولما أقول مش حاساعد يبقي خلاص .. لازم تتعود على كده ويبقي هو ده نظام الحياه بيننا .. حاتزعل شويه في الأول وبعدين خلاص حاتتعود .. مع إن مش هاين عليّ زعلها ، طيب أكلمها على الموبايل بعد شويه .. لا .. إجمد بقي يا عمر لو إتعودت انك تساعدها في كل حاجه حايبقى حق مكتسب ولو ما عملتوش حانروح النيابه !!!.. لا وعلى إيه تزعل شويه وخلاص

قالت ساره

طيب أنا مفروض أعمل إيه دلوقتي بالظبط ؟ أنا الأول أرتّب الشقه لأن التراب من قفلتها أسبوع يترسم عليه خرايط .. ولسه حافضّي الشنط وأغسل الهدوم اللي كانت معانا في اسكندريه وبعدين أطبخ كذا صنف أشيلهم في الفريزر علشان يكفّوا الأسبوع كله ، يا رب يخليكي لينا يا ماما كنتي شايله الهم ده كله عني وأنا كنت أتنح قدام التليفزيون ولاّ أرغي في التليفون وخلاص .. والاهم إن معلوماتي عن الطبيخ محتاجه مترجم يفك رموزها الهيروغليفيه ، ربنا يستر ، طيب أنا أحط اللحمه تتسلق الأول علشان بتاخد وقت وبعدين أشغّل الغساله .. بس لازم البس جوانتي علشان ريحه البصل علشان عمر لما ييجي ، ولا ليه .. خلّيه يشم البصل .. مش هو اللي سابني في الحرب دي .. يستحمل بقى ، هي اللحمه شكلها غريب كده ليه ؟.. طيب مش مهم .. أعمل إيه تاني ؟ مسقعه ؟ يا سلام ده أنا باموت فيها بس عمري ما شفت ماما بتعملها ازاي ؟ هي فيها باذنجان وحاجات تانيه غريبه .............. يا مااااااااما الحقيني ، وجريت كلمتها على التليفون وقعدت تهزّأ فيّا الأول إنها ياما قالتلي أتعلم ومافيش فايده الخ الخ الخ ، المهم إنها قالت لي الطريقه مع استخدام ألفاظ غريبه .. تعملي اللحمه عالصاج الأول !!!.. أجيب منين صاج دلوقتي يا ماما ؟ وطبعاً يصحب هذا وابل من التريقه والدعاء لعمر بالصبر على ما ابتلاه ، وطالت المكالمه ساعتين وماما تشرح لي كأن كلامها كله طبيعي ومفهوم وأنا من كتر التريقه اللي خدتها لم أسأل على أشياء كثيره وقلت أعتمد على خيالي الخاص ، وتوكلت على الله وبدأت المعركه الحقيقيه أضرب الطماطم لا أسلق المكرونه الأول ، طيب أقطع البطاطس شرايح ولا قطع ؟.. أنا باقول مثلثات وخلاص ، إيه حدوته الملوخيه دي لازم أقعد أخرطها ساعتين ؟.. لا حاهريها في الكبه وخلاص بس مش عارفه اتكورت كوره صلبه في قاع الحله كده ليه ؟ صينيه البطاطس وضعتها في الفرن مباشرةً بس حاسه إني نسيت حاجه فيها .. هيّ ليه لسه صلبه رغم إن بقالها ساعه ونصف في الفرن والقاع اتحرق ومع ذلك لسه ناشفه ، يا ربي إيه الوقعه دي .. كان مالي ؟.. أنا مانا كنت أميرة زماني وأخر رواقه .. خلاص اللي اتعمل اتعمل طيب لو عمر اتكلم ؟؟؟؟؟؟؟ ييييييييييييييييه .. أنا نسيت الغسيل .. طلعت البلكونه أنشره وقعدت أفتكر إيه بيتنشر الأول وإيه اللي ورا ؟ طيب إيه من رجله وإيه من قفاه ؟ إيه الفيلم ده ..؟؟ دول الستات دول ناس رايقه ما كله حاينشف وخلاص .. ولاحظت وجود سيده أروبه في البلكونه تراقبني كي تري العروس الميمونه اللي هي انا حاتنشر ازاي ؟ ولا همّني من نظراتها وعملت كرنفال من الهدوم ابيض على احمر على اخضر واديله .. المهم ينشفوا وخلاص ، ورجعت للكارثه الموجوده في المطبخ وتذوقت ما طبخته وصرخت : ياللهول .. على رأي يوسف وهبي ، طيب والحل ؟ فتحت الفريزر لأجد ماما حبيبتي وكأنها عارفه المصيبه اللي حاعملها حاطّه كميه كبيره من أكياس الهامبورجر والدجاج النصف مقلي والطبخات السريعه .. الحمد لله كنت حاطلّق وانا لسه في شهر العسل ، يااااخبر ده عمر بيرن على الموبايل إذن هو في الطريق وطبعاً ملابسي لا توصف من القنابل اللي كنت باعملها في المطبخ .. كرنفال من البصل والثوم والزيت .. لمّيت الكوارث اللي عملتها ووضعتها في الثلاجه وجريت على الحمام وأزلت أثار العدوان وغيرت ملابسي ، أمال هم بييجوا في التليفزيون بيطبخوا وكأنهم رايحين سهره ليه ؟
ودخل عمر وبسرعه أظهرتُ البوز المتين على غلاسته معايا قبل ما ينزل وانتظرت ان يأتي يصالحني كالمعتاد ولا فائده .. ثم لاحظت انه متعب ويتنفس بصعوبه فجريت عليه انا وقلت له : مالك يا حبيبي .. إنت تعبان ؟
وأخذت أمسح له عرقه وأسقيه الماء وأنا أكاد أبكي وأقول له : انشا الله أنا وإنت لا يا حبيبي .. وأنا ممسكه يده الضعيفه
وفجأه .. اشتدت قبضته عليّ وجذبني له وضحك بقوه وقال : طالما انتي بتموتي فيا كده ، ما تكشّريش أبداً في وشي .. اتفقنا ؟

استيقظت منتفضه على رنين المنبه المزعج واعلانه الساعه السادسه والنصف صباحاً وشعرت بألم في كل جسدي فأنا لم أنم سوي ساعتين بعد صلاه الفجر التي صليناها أنا وعمر ، واليوم هو أول يوم نعود فيه للعمل .. وطبعاً عمر ولا على باله فعمله قريب من منزلنا الجديد تقريبا ربع ساعه بالسياره أما أنا فيبعد حوالي ساعه وربع في أفضل الظروف ولم أكن أشعر بهذا قبلا بل كان قريب من منزل أبي وأمي أما الآن فلازم ألف الكره الارضيه علشان أوصل عملي ، والأسوأ أن عمر لن يستطيع توصيلي لأن جهة عملي وجهة عمله مختلفتان تماماً فلو اوصلني أولاً سيصل هو عمله بعد أذان الظهر وسيرفدوه بإذن الله ونشحت على باب السيده بعد أسبوع على الأكثر ، إذن لا مفر من حرب المواصلات الرهيبه أن أخوضها وحدي ولا أستطيع حتى الشكوى لأن عمر من البدايه غير موافق على عملي ولكني أصريت فلا أستطيع حتى التنفس بكلمه واحده ، الحمد لله أنا لا أفطر يعني حالبس بسررررعه جداً وأجري لألحق بالميكروباص الشيك جداً لعلي أصل في موعدي في أول يوم .. مش ضروري كرامتي تتبعتر من المدير وأنا عروسه كده ، ارتديت ملابسي على عجل وأخّرت إيقاظ عمر إلى أخر لحظه كي ينام قليلاً .. وبعد إتمام ملابسي وارتدائي الطرحه والشنطه كمان اقتربت منه وقبلته في جبينه وهمست له : صباح الخير يا حبيبي .. اصحى بقي كفايه كسل

رد عمر متثائباً : صباح الفل يا حبيبتي .. إيه ده إنتي لبستي بسرعه كده ؟ كان نفسي أوصلك بس بعون الله لما نلف القاهره كل يوم حنترفد أنا وإنتي جماعه

أنا : ولا يهمك يا حبيبي أنا قدها وقدود .. على فكره حتوحشني لحد ما أرجع .. يالا مع السلامه أحسن كده اتأخرت

عمـر : وانتي أكتر يا حبيبتي بس إمتى لحقتي تحضري الفطار ؟ انتي صحيتي إمتى على كده ؟

أنا : فطار ؟!!! إيه الكلمه الغريبه دي ؟ ما إنت عارف إني مش بافطر يا حبيبي ؟!! وبعدين مافيش وقت خالص

فرد بعناد : بس أنا بقي بافطر وخصوصاً قبل ما أروح الشغل لازم أفطر فطار متين علشان مش باكل بره وبأفضل عليه لحد ما أرجع .. والدتي كانت معوّداني على كده

رديت في سري وأنا أنظر للساعه : الله يسامحك يا حماتي أي حاجه حلوه تبقي من ناحيتك علىّ طول ! طيب والفطار المتين ده يبقي إيه يا سيدي ؟

عمر : عادي زي كل الناس بيض مسلوق أو عجه وطبق فول بالزبده ولانشون وجبنه وزيتون وزبادي وطبق خضار كبير خيار وطماطم وخس متقطعين شرايح رفيعه خالص وطبعاً كوبايه حليب وبعدها شاي وخلاص

أنا : يا خبر أبيض ده لو كل الناس بتفطر كده ممكن تحصل مجاعه في البلد .. وبعدين اللي إنت بتقوله ده عاوزله ساعه على الأقل وأنا متأخره يا عمر

رد بعناد أكبر : ما أنا قلت الشغل مش حاييجي منه غير وجع القلب .. يعني انتي عاوزاني أنزل من غير فطار يا ساره

أنا : لا ازاي ؟.. أترفد أنا في داهيه ... علشان تفطر الفطار المتين يا سيدي .. قلتها في سري طبعاً وأنا أكاد أبكي وأنا متجهه إلى المطبخ لأعداد وليمه الفطار لسي السيد

توجهت إلى المطبخ وأنا أجري مثل البهلوان أضع البيض على النار وأقطع الخيار وأخرج الجبنه من الثلاجه وأسخن الفول وووووووووو ... مش ممكن كل ده حياكله .. أبداً
ده أنا طول عمري بأتريق على المسلسلات التي تجعل جميع الأسره صباحاً يجتمعون على مائدة الإفطار وعليها عشره أصناف على الأقل وكان بيستفزني جداً طبق البيض المسلوق الموضوع به 40 بيضه والشاي لابد ان يكون مقدم في طقم كامل البراد والسكريه وخلافه .. يعني لازم الزوجه علشان تعمل الهيصه دي كلها تبتدي تحضر الفطار من اذان الفجر تقريبا او ما تنامش أسهل وخلاص علشان الباشا يفطر الفطار المتين ، أخيييييرا .. انتهيت ووضعت الأطباق على السفره وكان الباشا بيقرأ الجريده بمنتهي الرواقه وصببت الشاي فصرخ وأنا أصبه : لا يا ساره أنا قلت لك الحليب الأول وبعدين الشاي

فنظرت إلى ساعة يدي وجدتها الثامنه الا ثلث فكدت أبكي فلم أرد أن ابدأ اليوم بخناقه فرديت عليه من تحت أسناني : معلش يا عمر فيه شاي تاني كتير .. أنا نازله بقي أصلي اتأخرت جداً جداً

رد وقال : طيب يا حبيبتي افطري الأول

قلت : حبيبتك ؟!!! طيب باااااااااااي

ونزلت من العماره وأنا أجري تقريبا وأكيد البواب قال يا عيني دي العروسه الجديده الظاهر واخده علقه على الصبح وهربت من العريس ، مشيت مسافه طويله حتى موقف الميكروباص لأن الميزانيه لا تسمح بتاكسي بالطبع !! وانتظرت طويلا حتى وجدت مكان فاضي وركبت وسرحت في الطريق وأنا أفكر إن هذه هي البدايه الجاده للزواج لابد فيها من تعب وإرهاق ومسئوليه كبيره ، الله يكون في عونك يا ماما طول عمرها بتشتغل وعمرها ما أشعرتنا بأي تقصير ، أنا كان مالي ومال الحدوته دي ما كنت مريّحه دماغي ولا فطار متين لا مواصلات ولا بهدله ، بس إيه البديل ؟ الوحده ؟ الصمت ؟ الفراغ والاكتئاب ؟ العنوسه بكلمه أشمل ؟ لا طبعاً مهما بذلنا من جهد في دائرة الزواج أفضل بكثير جداً من الراحه خارجه ، ربنا يخليك لي يا عمر وتفطر كل يوم .. بس ربنا يستر من المدير وغلاسته

قال عمر

أهلاااااااااااا يا سي عمر ... إيه يا عم جاي في ميعادك تمام .. ألف مبروك يا عريس ايوه كده وشك نوّر على الجواز !!! يالا يا سي عمر احكي لنا كل حاجه بالتفصيل !! ولا أقول لك بلاش إنت إيه رأيك الجواز حلو ولا زي ما بنسمع من الرجاله ؟
كان هذا استقبال زميلي في العمل لي .. فرددت عليه قائلاً : يا سيدي الله يبارك فيك والله الجواز ده أكبر نعمه للرجل واللي يقول غير كده يبقي جاحد للنعمه بصراحه

قال زميلي : يا عم يا عم طيب يا سيدي ربنا يسعدك لما نشوف رأيك إيه بعد سنتين

قالت ساره

ألف مبروك يا عروسه ناموسيتك كحلي .. متأخره ساعه بحالها .. طبعاً يا ستي مين قدك ده انتي حتى شكلك ما نمتيش كويس .. طبعاً يا ست العرايس ربنا يسعدك .. يالاّ بقي احكي لنا كل حاجه بالتفصيل الممل .. ألا صحيح يا ساره العريس لازم يحضّر الفطار لعروسته بنفسه ؟

كان هذا استقبال زميلتي لي .. فرددت عليها قائله : ايوه طبعاً لازم يحضر لها فطار متين كل يوم
وطبعا استدعاني المدير وأخذت كم لا بأس به من الكلام البارد على تأخيري وتلميح على إن لو كان الجواز حايغيّرني يبقي أقعد في بيتنا أسهل أقشّر بصل

قال عمر

يا حبيبتي يا ساره وحشتيني الكام ساعه دول .. لمّا أبعت لها رساله علشان تعرف إني بافكر فيها ، يا تري يا قمر بتفكر فيا زي ما بافكر فيك ؟؟ فردتْ على الفور ، أنا كمان بافكر فيك يا حبيبي وقلقانه عليك من طن الأكل المتين اللي أكلته الصبح .. ربنا يستر وماتاكلنيش وأنا نايمه .

قالت ساره

أخيرا انتهى اليوم الساعه الثالثه وعمر ينتهي من عمله في الخامسه .. ياااااااارب ألحق أوصل بسرعه وأحضر الغداء ، ورجعت في نفس رحله العذاب الصباحيه في المواصلات ولكن مع الحر والرطوبه ما شاء الله ما أقدرش أوصف شعوري وصلت بيتي الساعه 4 وتلت تقريبا يعني ساعه وعمر جاي وأنا أكاد أقع من التعب وقله النوم .. طيب يا ربي حالحق أخد حمام من الحر الفظيع ده ؟ ولاّ أجهز الغداء ولا أرتب البيت ؟ فسيادته لم يرفع حتى أطباق معركه الفطار الصباحيه ، لم أعرف ماذا أفعل فوقفت في منتصف الصاله وصرخت : تعاااااالي لي يااااااااااامامااااااااااااا

والى اللقاء وانتظروا الحلقه القادمه وساره عملت ايه فى كل الحوسه دى

ya 3enyyyyyyyyyyyyyyyyyyyy
sara de 3`lbana 5als
we 3omr saye2 elhabl ba2a
rabena m3aha
thnx rokaaaaaaaaaa

زائر

بس عمر و الله المفروض يساعدها

و لا علشان هو الوحيد يعنى و ماما مدلعه

هااااااااااااااااااااااااااااايلةة يا رووووووووووووكا

ربنا معاكى يا سارة مغلوبة على أمرك

الحلقه السابعه

قالت ساره

أخذت أجري في الشقه كالهاربه من حكم قضائي ، وأنا أحاول جاهده أن أنهي تنظيف الشقه وتجهيز الغداء وتغيير ملابسي ، ومفروض كمان أتزين وأقابله بابتسامه كبيره ، طيب بجد ازاي وامتى ؟ ازاي تجتمع رواقه شهرزاد مع واحده بتشتغل 8 ساعات ، ويتحرق دمها بمعدل كل ربع ساعه ، وبترجع بيتها محشوره في المواصلات زي قفص الطماطم ؟ طيب هو كمان ذنبه إيه يرجع يلاقيني مكشره وتعبانه ومتوتره ؟ ماهي أكيد حاتقلب بخناقه .. طيب اعمل إيه يا ربي ؟ خلاص يبقي الأهم فالمهم .. أنا أهم حاجه أعملها دلوقتي إني أغيّر هدومي العجيبه دي والبس طقم جميل بسرعه وأضع ماكياج خفيف ، وأي حاجه تانيه تتأجّل ، كانت دايماً والدتي تقولي إن الرجل لا يحب أن يضيع الأوقات الجميله !!! يعني لو دخل البيت ولاقاكي عامله وليمه طعام رهيبه موت .. بس شعرك مضروب في الخلاّط ، وريحتك بصل ، وهدومك مبقّعه ، ومش طايقه حد يكلمك غالباً حايتصل بالبوليس أو يطفش من سكات !!! لكن لو جه ولاقاكي زي القمر ومشتاقه ليه والأكل يا حبيبي النهارده فول وبيض حايبقي على قلبه زي العسل ، خلاص حاجرب وأشوف ، وبالفعل هدّيت نفسي تماماً ووضعت الأكل في الفرن كي يسخن ، وعملت الأرز سريعاً ، وشربت كوب شاي بمنتهي الرواقه ولااااااا كأن في حااااجه خااااالص ، ثم دخلت الحمام وأخذت شاور سريع وارتديت طقم رائع ووضعت ماكياج وتعطرت وبدأت في ترتيب المنزل ، وبعد 5 دقائق جاء عمر وكنت لا أزال أزيل أثار الفطار المتين !!! ولم افعل شيء أخر ، دخل عمر فجريت عليه واحتضنته وقلت له : وحشتني يا حبيبي

فرد عليّ وقد سرّ من استقبالي الدافيء : وإنتي كمان يا حبيبتي .. إيه الجمال ده معقول إنتي راجعه من الشغل من شويه ؟.. أوعى تكون زوغت يا جميل

أنا : لا ما زوغتش بس أنا زعلانه منك ما تكلمنيش لو سمحت

عمر : ليه بس عملت إيه ؟

رديت عليه بدلال : كده تبعت لي رساله واحده وما تكلمنيش غير مرتين بس ؟؟ لا يا سيدي أنا ما ينفعنيش القسوه دي
فرد بسعاده من كلامي ولهفتي عليه : والله لو عليّ ما كنت نزلت من البيت وسيبتك .. ده إنتي وحشتيني جداً .. إيه ده .. هو لسه الفطار مكانه .. معقول ؟
برطمت في سري : و هوّ يعني أنا اللي فطرت وسبته ؟!!.. يعني الفليبينيه اللي هيّ أنا حاتقطع نفسها ؟ وكدت أرد بعصبيه ولكني وجدت إنها حاتقلب بغم فرددت بدلال : ما حبيبي هو اللي فطر وسابه والله أنا كنت لسه حاشيله ليك بس علشان ما اتعبكش خاااااااااالص

عمر : هو صحيح أنا متعود إني ما أعملش حاجه في البيت خالص قبل الجواز بس علشان خاطرك حاشيله المره دي بس ما تتعوديش على كده

رديت عليه بدلال اكبر : وفيها إيه لما أتعود ؟ هو حرام لما حبيبي يدلعني ويريحني ؟ ده إنت كده تثبت لي انك بتحبني بجد ومش عاوز حبيبتك تتعب

رد بنفاذ صبر : يا ستي هو الحب عندك إني أكنس وأغسل الحلل ؟

أنا : وإنت الحب عندك انك ترتاح وترمي كل الحمل على أكتافي أنا ؟ يعني ازاي أكون باحب إنسان وألاقيه تعبان جداً وماحاولش إني أساعده بأبسط مساعده ؟

عمر : يا حبيبتي أنا بارجع تعبان وعاوز ارتاح ومش معقول أشتغل جوه البيت كمان

أنا : يا حبيبي يعني إنت بتشتغل أكثر من الرسول عليه الصلاة والسلام اللي كان قائد أمه بحالها ؟

عمر : عليه الصلاة والسلام ، لا طبعاً وأنا أجي جنبه إيه ؟

أنا : طيب يا سيدي الرسول عليه الصلاة والسلام كان بيعمل عمل أهل البيت طول ماهو موجود معاهم يعني بيساعدهم .. شوفت بقي يا سي السيد ؟

وأحب أن ينهي الحوار عندما وجد نفسه سينهزم وقال بنفاذ صبر : طيب طيب يا ساره سيبيني أغيّر هدومي علشان آكل وأنام شويه

وأحسست إن الموضوع حايقلب بحرب ، وأنا لسه في بداية حدوته جوزك على ما تعوديه !!.. فابتسمت وقلت له برقه : طيب يا حبيبي قدامك 3 دقايق تغير فيهم هدومك علشان أكتر من كده حاتوحشني ويمكن أبلغ البوليس ولا حاجه

فابتسم لي بغرور ولم يرد ، يا عيني على عقل الرجاله

حضّرت الأكل سريعاً وأنا أدعي في سري أن يعجبه وان كنت أشك في ده .. بس ربنا يستر ، والحمد لله الهامبورجر موجود برضه علشان الجيران ما يسمعوش صوتنا ويقولوا العروسه الجديده بتنضرب علقه سخنه

وجلسنا سوياً حول الأكل ، وحاولت حماية نفسي سريعاً من العلقه المتوقعه فقلت له : دي أول أكله يا حبيبي أعملها لك بأيدي وأنا عارفه إني لسه باتعلم الطبيخ بس كفايه إني عملتها لأحلى راجل في الدنيا علشان تبقي تجنن مش كده ؟
رد عليّ وقال : ربنا يخليكي لي يا حبيبتي أنا مش قد الدلع ده كله .. ثم تذوق صينيه البطاطس وكله أمل في الحياه ، وفي ثواني ظهرت على وجهه ملامح واحد يبحث عن رقم بوليس النجده

ورديت بمنتهى الاستهبال : إيه يا حبيبي رأيك إيه ؟

فرد بإحراج من مقدمه الدلع الجامده : تسلم أيدك يا حبيبتي !!! بس هي مختلفه شويه عن اللي أنا متعوّد عليها

فرديت ببراءة الأطفال : ميرسي يا حبيبي بالهنا والشفا

قال عمر

يا سلام يا واد يا عمر .. أول مره أشوف البطاطس ليها طعم السبانخ المخلوطه بالذره !!.. والرز شبه كوره القدم خماسيه الأضلاع ، أكلتين كمان من دول وييجي لي كساح ، بس معقول أزعلها وهي عماله تدلّع فيّ كده ؟؟؟؟ ياااااالا ما إحنا ياما أكلنا أكل حلو .. إديها هامبورجر واعمل نفسك من طنطا

قالت ساره

الحمد لله عدّت على خير .. طيب لما أشوف حايشيل معايا الأطباق ولا حايستندل كالمعتاد فقلت : عمر ممكن تشيل معايا الأطباق لو سمحت ؟

عمر : يوووه يا ساره كفايه طلبات أرجوكي

فرديت بمسكنه : طيب أسفه .. إني ضايقتك !! ومشيت بانكسار مفتعل وأنا أحمل الأطباق فما هي إلا لحظه واحده وقام طبعاً وقال لي : خليكي إنتي يا حبيبتي أنا حاشيلهم .. وإنتي ارتاحي

ضحكت في سري من طيبته ، وأكملت خطتي بعد ما فرغ من الأطباق وقلت بدلال كبير : طيب يا حبييي ادخل إنت نام شويه وأنا حاغسل الأطباق هو أنا كنت عاوزه أتكلم معاك شويه قبل ما تنام بس مش مهم أنا حاغسل الأطباق لوووووووحدي وإنت ادخل ارتاح .. بس تعرف إنت واحشني وكنت عاوزه أتكلم معاك واحكي لك على اللي حصل كله النهارده .. بس يوم تاني بقي

عمر : لا يا ساره يا حبيبتي سيبي الأطباق مش مهم وتعالى نقعد مع بعض شويه

أنا : أسيبها ؟ لا يمكن أبداً أبداً أبداً

عمر : طيب يا حبيبتي أنا حاساعدك وأغسلهم معاكي .. ما تهونيش عليا

أنا : إنت أحلى زوج في الدنيا دي كلها .. وبجد وحشتني

قال عمر

أخيرا جه يوم الجمعه .. يوم الاجازه ، مافيش صحيان بدري ولا جري على الشغل ، يا حبيبتي يا ساره نايمه زي الملاك .. تعبتْ جدا الأسبوع ده .. بس أكيد حاتتعوّد وحايبقي الموضوع أسهل عليها ، وأنا كمان بقيت أساعدها شويه بس علشان بحبها ، فرصه والدنيا لسه هاديه أقوم اقعد لوحدي شويه واقرأ الجرايد على رواقه واشرب كوباية شاي موزونه ومش ضروري فطار النهارده ، الله الشقه شكلها جميل أوي ، الصبح .. الشمس داخله من الشبابيك والستائر الحرير معطيه نعومه ورقه للبيت .. كل البيت ده بتاعي أنا ؟! ده أنا طول عمري لي أوضه واحده في بيت والدي ، وكنت باعتبرها مملكتي الخاصه وناقص اكتب عليها ممنوع الاقتراب أو التصوير !!.. فجأه ألاقي لي شقه كامله جميله زي دي وأنا راجل البيت ؟؟! إحساس رائع باكتمال الرجوله يا رب يديمه علينا ، وجلستُ أقرا الجرائد في روقان وهدوء حتى مر الوقت وباقي ساعه على صلاه الجمعه .. فرصه أقرأ سوره الكهف قبل أن انشغل في أي حاجه تانيه

قالت ساره

أول مره اصحى براحتي من اسبوووووع كامل مش مفزوعه من صوت المنبه الجبار .. صحيح الستات مفروض يقعدوا في البيت بس علشان يناموا براحتهم ، إيه ده عمر فين ؟ الراجل طفش ولا إيه ؟ باضحك جداً لما أشوف في التليفزيون واحده صاحيه من النوم وقبل ما تفتح عينيها تتحسس مكان نوم جوزها كأنها بتدوّر على فرده شراب مثلاً ! طيب ما تفتح عينيها أسهل وحاتكتشف إن المذكور فلسع من بدري ، تلاقيه طلع نام في الصاله ولاّ بيتكلم في التليفون .. لا مافيش وقت دي صلاه الجمعه قربت .. واقتربت لأشاهد منظر جميل طالما حلمت به قبل زواجي .. وجدت عمر يجلس تحت شباك الصاله وممسكاً بالمصحف ويقرأ في خشوع بصوت رخيم وتجويد سليم حتى انه لم يشعر بوجودي ، اقتربت لأجلس بجواره استمع إليه .. ولكني وجدت نفسي لا شعورياً أجلس تحت أقدامه .. فليس الرجل الغني أو الوسيم هو من تعشقه المرأه .. ولكنه الرجل الذي يخشى الله ، جلست على الأرض أستمع لسوره الكهف وكأني أسمعها لأول مره .. سعدتُ من صوته الرخيم وخشوعه ، وأحاط بنا هدوء واطمئنان وكأن الملائكه يباركون اجتماعنا .. وأنا اختلس النظر لوجهه وهو يقرأ لأستمتع بملامحه الخاشعه وأشكر الله على نعمته التي أنعمها عليّ .. حتى انتهى من القراءه وجذبني من يدي

لأجلس بجواره وسألني : ليه يا حبيبتي قعدتي على الأرض ؟.. ده إنتي تقعدي جوّه عيني

أنا : لا يا حبيبي حسيت انك كبير أوي وإنت في حاله الخشوع دي ما قدرتش أقعد جنبك

عمر : ياااه إنتي مكبره الموضوع ربنا بس يتقبل .. وإنتي متعوده على قراءة سوره الكهف كل جمعه ؟

أنا : بصراحه ساعات ساعات مش دايماً

عمر : لا يا حبيبتي إن شاء الله نقراها دايماً سوا .. وبعدين خليكي شطوره واسمعي كلام عمو عمر علشان أديكي الهديه اللي جبتهالك امبارح

نطّيت بسرعه : إيه ده هديه ؟ كده وساكت من امبارح يا غلس ؟

عمر : أصلهم مش هديه واحده دول اتنين

أنا : كمان ؟ كفايه غلاسه بقى .. يالا مش قادره استنى

رد بمكر ذو مغزى : طيب تدفعي كام ؟

فهمت مقصده وقلت له : مش عاوزه منك حاجه

ضحك وقال : طيب خلاص خلاص أنا باضحك معاكي شوفي يا ستي دول أهم هديتين حتاخديهم في حياتك .. أول واحده اتفضلي يا ستّي .. تاتاتاتاتاتاتاتاتا

وفتحت لفه الهديه البرّاقه ثم صرخت بخيبة أمل : يااااااااااااااسلام .. حصاله !!!!!!!!!!! لا والله وجاي على نفسك كده ليه ؟ ودي أحط فيها مصروف البيت ولا أحوش لبنتك اللي في خامسه ابتدائي ؟

عمر : يا ساتر يا رب .. استني شويه .. إيه ده مدفع رشاش ؟ استني لما أفهمك حاتعملي بيها إيه ؟

أنا : اتفضل يا عم الموفِّر

تجاوز عن التريقه ورد بصبر : دي يا ستي أنا وإنتي حانحوش فيها كل يوم أي مبلغ حتى لو جنيه واحد .. أي فلوس والسلام ونيجي أخر الأسبوع يوم الجمعه نفتح الحصاله ونتصدق بالمبلغ ده .. وبكده نكون كل يوم بنطلع صدقه حتى لو كانت بسيطه .. وممنوع انه يعدي يوم من غير أي صدقه حتى لو مش حاناكل اليوم ده .. وبكده حانلاقي بركه في دخلنا غير عاديه .. فهمتي يا حبيبتي ؟

رديت بانبهار وسعاده بالغه : يا خبر إيه الفكره الروعه دي ؟ جبتها منين دي ؟

عمر : يعني موافقه ؟.. طيب نيجي للهديه التانيه .. شوفي يا حبيبه قلبي .. ده مصحف مجزء لـ30 جزء .. حاتيجي على الدرجين بتوع البوفيه وترمي كل الكوارث اللي فيهم وتفضّيهم خالص ، وتحطي أجزاء المصحف في الدرج اليمين .. وكل يوم أنا وإنتي كل واحد منا ياخد جزء محدد ويقراه .. ولما يخلصه سواء في يوم أو كذا يوم يحطه في الدرج الشمال وياخد جزء جديد وهكذا لحد ما الدرج الشمال يتملي خالص نعرف إن أنا وإنتي ختمنا المصحف مره .. وبعد كده نرجعه تاني للدرج اليمين وهكذا على طول .. إيه رأيك ؟

أنا : بجد مش عارفه أرد وأقول إيه غير إني أشكر ربنا انه أهداني بيك

عمر : بصي يا ساره الحب مش بيستمر بين الزوجين بالكلام الحلو ولا بالفلوس ولا حتى بالأولاد .. لكن بيستمر بطاعة ربنا وبركته لهم .. وإحنا عاوزين بيتنا ده بيت طائع لله علشان ربنا يبارك لنا في حياتنا وأولادنا اللي جايين إن شاء الله

أنا : ربنا يكرمك ويخليك ليا يا رب وتفضل كده على طول

عمر : ياااااااااااه ده أنا كده حاتأخر على الصلاه .. يالا بقى مع السلامه .. على فكره حاخرج مع أصحابي شويه بعد الصلاه وحارجع على الغدا

أنا : طيب ما تنساش تدعيلي ....... مع السلامه

خرج حبيبي وأنا أودعه وأشكر الله على أن أهداني هذا الزوج .. ثم توضئت وصليت الظهر وجلست أقرأ سوره الكهف ووعدت نفسي ألا أقطعها أبداً في أي يوم جمعه ، ثم أخرجت محتويات درجين البوفيه ورصيت بالدرج الأيمن كل الأجزاء ، وبدأت بأول جزء وسجّلت تاريخ هذه الختمه في ورقه صغيره كي نعلم متى سننتهي منها .. ثم جلست أقرأ القران لفتره طويله ....... ثم قمت لتحضير الغداء ، والذي كان لحسن الحظ معونه انسانيه من ماما بعد ما حكيت لها مأساتي مع الأكل ، وان ممكن أتطلق وأنا في شهر العسل من الكوارث اللي باعملها .. فالظاهر خافت إني ارجعلهم وهمّ ما صدقوا يخلصوا مني !!!! فطبخت لي كام صنف تحفه .. ربنا يخليكي ليا يا مشرفاني ، أريد أن يكون هذا اليوم جميلاً لأكافيء عمر على هداياه الرائعه .. أعددت الغداء وجمّلت السفره بورود ورششت معطر جو هاديء ، وبدلت ملابسي لأرتدي عباءه ناعمه ، وتركت شعري منسدلاً على كتفي وتعطرت وطلبت عمر فأخبرني انه مع أصحابه .. طيب وبعدين ؟ رنيت عليه ثانيه فلم يرد .. أرسلت له رساله : تعالى بقى يا عمر .. إنت اتأخرت أوي .. برضه لم يرد ، أرسلت رساله ثانيه : يا سيدي كفايه تقل .. بجد وحشتنا ، لم يرد ، فأرسلت له الضربه القاضيه : خلاص يا حبيبي .. خليك براحتك بس شهرزاد كان نفسها تشوفك أوي .. خلاص بقى تدخل تنام أحسن ، وطبعاً كما توقعت جاء بعد دقائق معدوده ...... وسكتت شهرزاد عن الكلام المباح تاااااااااااااااني

الى اللقاء مع الحلقه القادمه بعد متقولولى رايكم

gmeeeeeeeeeeeeeeeeeeeeeeeeelaaaaaaaaaaaaaaaaaaaaaa

زائر

هاااااااااااااااااااااااااااايلة يا روكا

شكلى هموت قبل اما اعرف النهاية

يلالالالالالالالالالالالالالالالالا يا روكااااااااا يا قمر يا حبيبة عينية من جوه

قووووووولى باااااااااااااااااااااااااقى الحلقات

gamdah awy ya roka

go go go go

انا بحب القصه دى جدااااااااااااااااااااا

شكرا يا روكا وبجد الاتنين زى العسل

ميرسى على ردودكم الجميله دى

الحلقه الثامنه

قالت ساره

معقوووول مر شهرين على زواجي أنا وعمر ؟ مروا بسرعه جداً .. حياه جديده في المسئوليه والمشاركه والمشاعر .. في كل شيء .. حتى أصدقائي اللي كنت بارغي معاهم بالساعات في التليفون أصبحت لا أراهم إلا نادراً ولو تكلمنا في التليفون يكون حديث سريع لألحق كل الأشغال اللي ورايا ، وشقتي الجديده أصبحت مملكتي بجد ، وبعد ما كنت أنظف حجرتي في بيت ماما بالعافيه وبعد استدعاء البوليس .. أصبحت لا أطيق أن أرى منزلي غير مرتب وأتخانق مع عمر لو رمي ملابسه أو كتبه كالمعتاد .. رغم إن كتبي وأشيائي الخاصه زمان كانت محتاجه خريطه للوصول لها !!! لكنه هو الحب الذي يجمعك بمكان تشعرين انه ملكك وحدك تكونين فيه على راحتك وتفعلين ما تشاءين ، حتى إن منزل والدي اضطررت أن أبيت فيه ليله عندما مرضت أمي .. بجد لم أستطع النوم مش عارفه ازاي مش هو نفسه السرير اللي نمت عليه أكثر من عشرين سنه ؟ إحساس لا يعلم تفسيره إلا الله الذي يريد لنا أن نعمر بيوتاً وبيوتاً حتى نعمر الأرض جميعا ، وأنا وعمر متفاهمين جداً لكن لا يخلو الأمر من غلاسه وتحكم في أشياء تافهه كي يثبت لنفسه انه سي السيد ولا أعلق عليها وأجعلها تمر كي لا تصبح كارثه .. شيء واحد هو ما يحيرني ويضايقني فعلاً باستثناء حماتي طبعاً !!.. وهو مصاريف البيت لا أعرف ماذا يمكن أن يفعل شابين يعملان عمل شاق يومياً كي يوفرا مصاريف الإيجار والأكل والدواء والخروج والمجاملات الخ الخ الخ ... ؟ طبعاً يحتاجان معجزه من السماء كي تحل لهم لغز الأسعار .. وأصبحت بعد أن كنت أصرف مرتبي على العطور والكريمات والمجلات .. أصبحت أبحث 10 ساعات قبل أن اشتري زيت الطعام كي أعرف أي نوع أوفر ؟.. وأصبحت أفاصل مع أي بائع رغم إني كنت باقول لماما دايماً إن ده تصرف بيئه !!! وأصبحت أحمل هم أي مناسبه غير معمول حسابها مثلاً فرح أو خلافه نضطر آسفين أن نجامل أصحاب المناسبه فيه لأن ده معناه إن بقيه الشهر حانقضيه تونه وجبنه ، ولكن ليس هذا ما يضايقني فقط ولكن تصرف عمر الغريب تجاه مصروف البيت هو ما يضايقني جداً .. وهو انه لا يخصص مبلغ معين لمصروف البيت وأنا أساعده فيه ونصرف منه سوياً .. لا.. هو يدفع الإيجار وبعض الأشياء الأخرى وأنا عندما أقبض مرتبي أسارع لأنفقه كله تقريباً على خزين المنزل من سكر وزيت وخضار ولحوم وخلافه وهو متقبل ده عادي وبدون مشاكل .. حتى إني طلبت منه مره مبلغ كي أشتري شيء للمنزل فرد على ببساطه : ما إنتي معاكي فلوس يا ساره !! هي خلصت ؟ طبعاً اتضايقت جداً من رد فعله ده .. هل المفروض أن أنهي مرتبي كاملاً ثم بعد هذا هو يساعد !!! الغريب في الأمر انه غير بخيل أبداً بل بالعكس لا ينفق على نفسه تقريباً إلا الضروري جداً ولكن ما يضايقني انه معتبر مساعدتي في المنزل أمر مفروغ منه وفرض عليا .. وتحملت هذا الأمر رغم ضيقي منه أنا أحب أن أصرف على منزلي ولكن بإرادتي وليس فرضاً على حتى جاء يوماً رجعت من العمل وانتظرته بعد الغداء وقلت له : شفت يا عمر النهارده بعد الشغل نزلت أنا وواحده صاحبتي المحلات اللي جنب شغلي كانت عاوزه تشتري شوية حاجات

قال : طيب يا حبيبتي وإيه المشكله ؟

أنا : لا أبداً لقيت شنطه تحفه نازله في التخفيض من 70 جنيه إلى 50 بس واشتريتها على طول .. تتصور دي جلد طبيعي

فرد بعصبيه : اشتريتيها ؟ وما قلتيش لي ليه قبل ما تشتريها ؟

فاستغربت من رد فعله وقلت : عادي يعني يا عمر يعني حاطلبك أقول لك على حاجه هايفه كده ؟

قال : خمسين جنيه حاجه هايفه ؟

أنا : يعني إنت زعلان من المبلغ ولا من إني ما قلتش لك ؟

عمـر : الاتنين .. كان لازم تستأذني مني الأول

فرددت عليه وقد بدأ صوتي يعلو : عمر إنت بتقول إيه ؟.. دي فلوسي .. أنا ما خدتش منك حاجه علشان الزعل ده كله

فصرخ بغضب : فلوسك يعني إيه فلوسك ؟ يعني أخرس أنا ولا إيه ؟

أنا : أنا ماقلتش كده .. بس ازاي يعني استأذن قبل ما اصرف أي حاجه ؟

عمـر : أنا يا ستي معقد نفسياً خلاص ؟ مش باحب إن مراتي تمسك فلوس وتزعق فيا وتقول فلوسي ومالكش دعوه والكلام ده

أنا : يا سلام .. واشمعني الكلام ده مش بيتقال لما باجيب حاجه للبيت .. ليه مش بتقولي استأذني ؟ ولا علشان دي حاجه لي أنا ؟

عمـر : دي ضروريات للبيت مش ممكن نستغنى عنها .. إنما الشنطه بتاعتك دلع

أنا : والله ادلع نفسي مش مشكله .. وبعدين الضروريات دي مسئوليتك إنت وأنا إن كنت باساعد في البيت ده مش فرض عليا

قال بعصبيـه : والله أنا قلت من أيام الخطوبه تسيبي الشغل علشان وجع الدماغ ده وإنتي ما سمعتيش الكلام .. واللي كنت خايف منه حصل .. بقيتي بتعلى صوتك عليا وتقولي فلوسي أنا

أنا : هو إنت يا تحبسني في البيت يا تتحكم في كل مليم ؟ ده إنت فعلاً معقد على كده

انتفض من مكانه والغضب يتطاير من عينيه وأمسك ذراعي بعنف وصرخ في : أنا معقد ؟!!!... طيب أنا حاوريكي العقد اللي بجد من بكره مافيش شغل ولما أشوف كلامي حايمشي ولا لأ ؟

ارتعبت من نبرته المخيفه وضغطه الرهيب على ذراعي والقسوه التي يتحدث بها فارتجفت وانهمرت دموعي بلا توقف

فلانت نبرته قليلا وزفر بقوه وقال : طيب بتعيطي ليه دلوقتي مانتي كمان زعقتي وجننتيني

أنا : ................. ؟؟

عمـر : كده يا ساره توصلي حاجه هايفه لحد كده ؟ خلاص بقي حقك على ما تزعليش

فرددت من بين دموعي : لا مش حاجه هايفه .. ده ربنا قال ذمه ماليه منفصله للمرأه تيجي إنت وتقولي استأذن ؟

عمـر : والله أنا عارف ده بس مش قادر أطبقه .. ما أقدرش استحمل إن مراتي تقولي دي فلوسي وإنت مالكش لازمه .. طيب اعمل إيه ؟

أنا : ماعرفش والله تعمل إيه ؟

عمـر : طيب إنتي شايفه إني بخيل ولاّ باصرف على نفسي حاجه ؟ ولا إنتي بتطلبي مني حاجه ومش باجيبها ؟

فرددت وأنا امسح دموعي : لأ .. أمال إيه الفيلم ده طيب ؟

قال : أنا يا ستي ما بحبش الست اللي بتعمل كده .. وبعدين أنا مش عاوزك تدفعي حاجه في البيت تاني علشان مش كل شويه تقولي باساعدك باساعدك

قلت : بقي أنا باعمل كده الله يسامحك .. وبعدين هو إنت يعني أحسن من الرسول عليه الصلاة والسلام اللي كان بيتاجر للسيده خديجه في مالها وهي زوجته ولا يخجل من أن يعلن إن ده مال زوجته وفين ؟ في قريش عز التعصب والجهل ؟

عمـر : يا ستي أنا ماقدرش أوصل للمنزله دي .. ولو الموضوع ده حايجيب مشاكل حاقعدك من الشغل فعلاً

أنا : من فضلك يا عمر ما تكبرش الموضوع كده .. أنا فعلاً زعلانه منك جداً ومستغربه تفكيرك جداً

عمـر : حقك على إني انفعلت عليكي إنتي عارفه قد إيه بحبك .. لكن مش حاقبل أبداً إني أكون على الرف أو حاجه تحصل في بيتي من غير موافقتي حتى ولو حاجه هايفه مرّت أيام وأنا وعمر متخاصمين .. يعني بنتكلم في الضروريات بس .. لكن من جوايا أنا زعلانه منه جداً .. من عصبيته وموقفه الغريب وتفكيره الأغرب .. المشكله إني متأكده انه مش بخيل ولا طمعان فيا .. بس مش قادره أفسر تفكيره لحد دلوقتي .. تحكم والسلام ؟.. ولاّ خوف من الفلوس إنها تقويني فأبعد عنه ؟!! وكأن اللي رابط أي زوجه بزوجها هي انه بيصرف عليها فقط .. ولو هيّ معاها فلوس حاتقدر تعيش من غيره وتسيبه بسهوله !! بجد حاجه تجنن !! طيب وستات البيوت بيتطلّقوا ليه لما هي الحكايه كده .. مش معقول التفكير المقلوب ده ؟ عمر حاول يصالحني لكني لم أستطع أبداً .. لأني حاسه إن الصوره اللي كانت في خيالي اتهزت لأن موضوع الفلوس بين الزوجين ده حساس جداً ودايماً الزوجه بتكون راسمه لزوجها وحبيبها صوره الفارس النبيل الذي لا يتكلم قط في المال لأن ده شيء بينقص من قدره كرجل ودائماً تدور في عقلي عبارة الأفلام الشهيره : أنا برضه أمد ايدي لفلوس واحده ست ؟؟؟.. فأصبح الأمر مقترن بالرجوله في نظري ، ولكن ظروف المعيشه البشعه الآن غيرت من شكل الصوره وجعلت الرجل مضطراً لعمل زوجته ومساعدتها له والزوجه أيضاً تقبلت هذا وتسعد عندما تفعله .. ولكن للأسف لم يتخل الرجل عن الصوره القديمه في خياله بأنه صاحب المال والآمر الناهي الأوحد .. فأصبح يعذب زوجته بحملين حمل المشاركه وحمل التحكم

قال عمر

ساره وحشه أوي وهي زعلانه .. صحيح هي لم تقصر في أي حق من حقوقي في البيت وأجد طعامي وملابسي وكل شيء مرتب وترد عليّ عندما أسألها عن أي شيء .. ولكن روحها المرحه الدافئه والحيويه التي تنطق من عينيها والتي تجعلني أذوب فيها اختفت !! وحل محلها لوح زجاج بارد لا يعبر عن أي شيء ، حاولت مصالحتها بلا جدوي .. يا ربي أعمل إيه ؟ بس أنا كمان مش قادر أنفذ اللي هي عاوزاه !! يعني إيه أكون قاعد في البيت ألاقيها داخله وشاريه غساله مثلاً وتقولي وإنت مالك دي فلوسي أقعد كمل الشاي اللي بتشربه وخليك في حالك معقول أستحمل كده ؟ ولو كنت فوّت حكاية الشنطه كان حايبقي ده العادي .. أنا مش طمعان في فلوسها أبداً لكني مضطر لمساعدتها في البيت علشان ما نزورش السيده أنا وهي كل يوم جمعه ، بس أعمل إيه .. تحت هدومي الكاجوال لسه فيه صديري جدي الصعيدي .. مش قادر أتقبل الموضوع خالص .. وهيّ كمان معذوره وشكلي وحش قدامها .. برضه أنا انفعلت بصوره غبيه !! ومش قادر أعيش من غير دفء عينيها وحنيتها .. طيب ما هي مش عاوزه تصالحني .. أعمل إيه ؟؟.. شغّل التفانين يا واد يا عمر دي ساره حبيبتك

قالت ساره

ذهبت إلى عملي كالمعتاد وأنا ماليش نفس لأي حاجه في الدنيا وطبعاً كان باين على وشي جداً فكل واحده ظريفه تيجي تسألني بحشريه : إيه ابتدينا نكد الجواز ولا إيه ؟؟؟ قلنا كده قالوا اطلعوا من البلد ، أنا مش عارفه كل واحد ما بيحطش لسانه جوه بقه ليه ؟.. يا سااااتر ، خلاص الساعه 2 كلها ساعه وأروح .. موبايلي بيرن .. إيه ده ؟ ده عمر .. خير ؟

أنا : الو ايوه يا عمر ؟

فرد بصوت أقلقني : ايوه يا ساره أزيك يا حبيبتي إنتي كويسه ؟

قلت : الحمد لله فيه إيه يا عمر ؟

عمـر : مافيش حاجه بس حاعدي عليكي بعد ساعه استأذنت من شغلي بدري وحاجيلك استنيني

أنا : إيه فيه إيه ؟.. إنت رعبتني كده ؟

فرد بغموض : لما أجي حاتعرفي !! مع السلامه

يا رب سترك يا رب دي أول مره يعملها .. أكيد بابا تعب وهو مش عاوز يقول لي .. ولا ماما ؟!! لا بجد حرام كده .. حاولت الاتصال به ألف مره بلا جدوى .. لا يرد مما أكد شكي بأن مصيبه قد حصلت .. يا رب استر يا رب ، وأخييييراً جاء بعد ما أصبحت على وشك الانهيار .. ولكني وجدته في قمة الشياكه مرتدياً القميص المفضل عندي وكمان البرفان اللي باموت فيه !! إيه ده ؟ طبعاً لو كانت والدته هي اللي تعبانه كان جه بالبيجاما !!! لا وكمان رايق وعمّال يسلم على زمايلي ويوصيهم عليّ !! لا بجد .. لو ما قالش فيه إيه حاخبطه بحاجه في دماغه حالاً ، وأخيرا سلم عليّ بحراره وهمس في أذني : وحشتيني .. وأخذني وانصرفنا وزميلاتي لسان حالهن يقول : جتنا نيله في حظنا الهباب ، وفي السياره كان حايغمي على من شده القلق وسألته : أبوس أيدك قولي فيه إيه أنا خلاص حاموت .. ماما ولا بابا اللي تعبانين ؟

فرد بلهجة المحقق كونان : اطمني هم بخير أنا واخدك لمشوار مهم جداً وما تسأليش على أي حاجه دلوقتي لحد ما نوصل

فخف قلقي قليلاً وان لم يختفي تماماً .. ولكني راقبت ملامح الغموض المرسومه على وجهه وهي ممزوجه بوسامته الظاهره اليوم .. فلاحظ إني أراقبه فسألني : إيه وحشتك ؟.. فلم أرد ومديت البوذ المتين .. وأغمضت عيني ولكني رأيت صورته مازالت مرسومه بداخلها ، ياه الظاهر إني نمت شويه .. إيه ده .. أنا فين ؟ في الجنه ؟ وأفقت لأجد القاهره كلها تحت مستوى قدمي في منظر خلاب وجو رائع ونسيم يداعب المشاعر .. وعمر ينظر لي بحنان ويقول لي : صح النوم .. بالا انزلي بسرعه

سألته : إيه ده إحنا فين ؟

رد قائلاً : في المقطم يا حبيبتي مش كان نفسك تشوفيه من زمان ؟

قلت : هو ده المشوار المهم ؟ حانعمل إيه هنا ؟

قـال : هشششششششش كفايه أسئله وتعالي

ومشيت وراءه وأنا أبعد يده التي تحاول الإمساك بيدي والبوز مازال موجوداً ، ودخلنا إلى كافيتريا لم أري في جمالها من قبل .. كل حوائطها مستبدله بزجاج دائري كي تري القاهره من كل أركانها وكل الأضواء استبدلت بشموع تعطي الجو رومانسيه وسحر غامض .. وأخذني إلى طاوله بعيده وجلسنا وأنا لا استطيع النطق بعد ما رأيته .. ونظر إلى عيني مباشره وقال لي ثانيه : وحشتيني

أنا : .............. ؟

عمـر : بحبك

أنا : ........ ؟

عمـر : مش عاوزه تردي عليّ ؟ طيب أنا أسف

أنا : خلاص يا عمر أنا مش زعلانه أنا نسيت الموضوع خلاص

قـال : واضح جدا بدليل البرود اللي بتعامليني بيه .. ياريتك خاصمتيني لكن إنتي استعملتي اسلوب ذكي جداً ما قصرتيش في أي حاجه ولما أكلمك بتردي عادي لكن إنتي في دنيا وأنا في دنيا تانيه .. ودي حاجه ممكن تموتني .. فين ساره حبيبتي ؟

قلت : ايوه حبيبتك أوي .. بدليل انك مش عاوزني أشتري لنفسي حاجه ولازم أرفع صباعي وأستأذن قبل ما أشتري حاجه

قـال : يا حبيبتي أنا نفسي أجيب لك كنوز الدنيا وأحطهم تحت رجليكي .. بس إنتي عارفه الظروف .. وأنا مش عاوز أتحكم فيكي ولا حاجه .. دي حاجه نفسيه جوايا بتخليني عاوز أعرف كل حاجه بتعمليها وتحسسيني انك مش بتعملي حاجه إلا لما أعرفها الأول

قلت : بس دي حاجه تخنق

قال: بصي يا ساره أنا بخيل ؟

رديت : لا

قـال : عيني زايغه ؟

رديت : لا

قـال : باعامل أهلك وحش ؟

رديت : لا

قـال : باعاملك إنتي وحش قدام الناس أو حتى بيننا ؟

رديت : برضه لا

قـال : مش عارف ربنا كويس ؟

قلت : الحمد لله

قـال: طيب يا ستي اعتبري موضوع الفلوس ده عيب فيا .. وخديني على قد عقلي فيه وريحيني .. وأنا أوعدك إني عمري ما حاحرمك من حاجه أبداً بس عرّفيني الأول .. اتفقنا ؟
انكسفت جداً من إني أريده كاملاً بلا عيوب من تكبيري الموضوع بالشكل ده

ورددت عليه : اتفقنا يا حبيبي

قال وابتسامه فرحه تملأ وجهه : الله أكبر أول مره تنطقيها من أسبوع .. أيوه كده خلي الشمس تطلع يا شيخه

قلت : خلاص بقى .. فرجت علينا الناس

قال: طيب غمضي عينكي أنا جيب لك هديه بس ما تتعوديش على كده أحسن حانشحت بالشكل ده !! أتفضلي يا ستي

فتحت العلبه التي قدمها .. وهتفت : الله إيه الصندل الجميل ده ؟

قال : ده يا ستي علشان يليق على الشنطه اللي اشتريتيها .. بس زي ما اتفقنا حاتعرفيني الأول على أي حاجه خلاص يا حبيبتي ؟

رددت بكسوف : خلاص يا شهريار

فرد بلهفه : شهريار ؟!!! الله أكبر

ثم نظر لي وقال : ساره إنتي لازمك الغدا هنا أوي ؟.. ولاّ ممكن نروّح دلوقتي ؟

الى اللقاء مع الحلقه القادمه ويارب تعجبكم

[/size][/b][/center]

زائر

ثم نظر لي وقال : ساره إنتي لازمك الغدا هنا أوي ؟.. ولاّ ممكن نروّح دلوقتي ؟

هههههههههههههههههههههههههههههههههههههههههه

هاااااااااااااااااااااااااااااااااايلة بجد يا رووووووووووووووكااااااااااااااااااااا

كملـــــــــــــــــــــــــــــــــــــــــــــــــــــــــــــــــــــــــــــــــــــى

الحلقه التاسعه

قال عمر

مر على زواجنا 6 أشهر تقريباً .. الحمد لله مرّوا على خير .. لكن لا اعرف ما هذا الإحساس الذي اشعر به .. إحساس بالاعتياد والتعود والركود لا رغبه لدي كي افعل شيء جديد بمعني أخر ما اشعر به هو الملل .. الملل من كل شيء في حياتي الجديده ، هذا لا يعني إني لم اعد أحب ساره بل بالعكس اشعر إني أحبها أكثر من زمان بعد ما عاشرتها وعرفت رقه طبعها واستحمالها لتقلبات طباعي وصبرها على ظروفنا الماديه الصعبه .. ولكن إحساسي من ناحيتها تبدل .. هذا التوهج الذي كنت أشعر به في مشاعري تجاها فتر ، كنت عندما أسمع صوتها في التليفون يدق قلبي وتشعر كل خليه من خلاياي بالسعاده .. ولكن الآن مكالماتنا التليفونيه عندما نبتعد عن بعض سريعه قصيره لإبلاغ أمر هام أو طلب ضروري أن اشتريه ، لم اعد متلهف للقائها مثل زمان وكيف أتلهف وأنا أراها طوال اليوم أمامي ؟؟ أصبح حديثنا اليومي أقل من زمان عندما كنا نتحدث طوال الليل حتى نفاجيء بخيوط الفجر تداعب وجوهنا بدون أن نشعر ؟؟ والآن ملل ملل ملل ، ولكني لا أتصور حياتي لحظه بدونها .. وأشعر إنها صديقتي التي أعود سريعاً لأقص عليها كل ما حدث في يومي فهي تمتاز بصفه لا توجد عند 95 % من بنات حواء وهي فن الاستماع بدون لوم ولا تريقه حتى لو كانت متأكده إني مخطئ فهي تلفت نظري بهدوء بعد فتره من الحديث كي لا تشعرني بخطأي مثل الطفل الصغير وتمسك اللّيْ الخرزانه زي الأطفال !! ولا تقول الجمله الخالده التي تقود أي رجل للجنون : ما هو لو كنت سمعت كلامي ما كانش حصل كل ده ، طيب لماذا أشعر بكل هذا الملل ؟ ولماذا فتر إحساسي بها كحبيبه وفتاه أحلامي ؟ أعرف إني أظلمها معي عندما تراني أقل تلهفا عليها وأرد عليها أحيانا في اقتضاب .. أرى اللوم في عينيها بدون أن تصرح بشيء ولا تلومني في شيء ، ولكن أعمل إيه ؟؟؟؟؟؟؟؟؟

قالت ساره

مش عارفه عمر متغيّر من ناحيتي ليه ؟ أنا باحاول أرضيه بكل الطرق ولا أهمل في منظري أبداً .. وكل طلباته أوامر .. طيب حصل إيه ؟ هو صحيح مش بيتخانق معايا بس مش عمر بتاع زمان .. أشعر انه زهقان من كل حاجه في الدنيا حتى مني ، طيب أعمل إيه ؟ وكل يوم أسأله السؤالين الخالدين : فيه حاجه يا عمر ؟.. و : زعلان منى في حاجه يا عمر ؟.. والاجابه واحده : لاااااااااااااااااااا ، طيب أرجّعه ازاي زي الأول وأرجع أحاديثنا الطويييييييله تاني ازاي ؟ هو ده بقي الملل الزوجي اللي بيقولوا عليه ؟ وده الخرس الزوجي اللي بيصيب الأزواج وأعراضه سرحان وبحلقه في السقف .. والرد على أي سؤال باشاره مبهمه لا تعني شيء والفرجه على ماتشات الكوره حتى لو كان فريق جزر القمر هو اللي بيلعب ، مره قرأت إن تحريك بحيره الزواج من الركود مسئوليه الزوجه .. يعني جت على دي ومش حاتكون مسئوليتها ؟ .. ما هي كل حاجه على دماغها لوحدها ، طيب تعمل إيه الزوجه ؟.. تعمل أراجوز علشان ترضي زوجها ؟ بجد حرام كل حاجه عليها .. يا إما يقولوا دي منكده عليه عيشته ومزهّقاه في الدنيا ، خلاص هو حر .. بقي مش عاوز يتكلم هو حر .. بس أنا مش عاجباني الحياه بالشكل ده .. وأنا كمان حايتنقل لي إحساس البرود ده .. ودي عيشه بقي ؟ طيب حاحاول أفكر في طريقه ، وراك وراك يا عمر حاتروح مني فين ؟

إيه يا ساره إنتي مش رايحه الشغل النهارده ولا إيه ؟

قالها عمر فتصنعت الإعياء وأنا أرد عليه : لا تعبانه شويه واخدت النهارده أجازه يا حبيبي

قال عمر : ألف سلامه عليكي تحبي نروح لدكتور ؟

رديت : لا دكتور إيه ؟ ده الظاهر شويه برد .. حانام شويه وآخد كوباية ليمون وابقي كويسه إن شاء الله .. وأنا قلت لماما تبعت لي الشغاله بتاعتها تساعدني أصلي مش قادره اعمل حاجه خالص

قال عمر : ما تقلّقنيش عليكي يا حبيبتي .. تحبي أخد أجازه أنا كمان ؟

رديت بسرعه وقلت : لا يا حبيبي .. أنا حابقي كويسه ما تتعبش نفسك مع ألف سلامه .. كح كح كح

وتركني وهو قلقان عليّ بجد .. آه لو لم أكن أعلم انه يحبني أكثر من أي إنسان في الكون كنت قتلت نفسي !! لكن هو الاعتياد على الشيء الذي يفقدك بهجته والسعاده به وهل معقول إن الإنسان يظل يشعر بالساعه التي يرتديها كل ثانيه وكل دقيقه ؟ كان سيصاب حتما بالجنون والانهيار العصبي .. انه لا يشعر بها إلا عندما ينظر لها بعد فتره من تركه لها وأنا سأجعل عمر يراني من جديد ، في التاسعه صباحاً جاءت الشغاله وكان ورانا أنا وهي شغل كثير جداً .. كنت أريد تغيير نظام البيت كله حتى يشعر عمر انه في عالم جديد ولكن الموضوع ليس سهلاً ولكن علشان عيون عمر كله يهون ، غيرت مكان الصالون ونقلته مكان الانتريه ليكون بجوار البلكونه بجوار الهواء الطلق .. مش مهم الضيف يتهووا المهم إحنا .. وغيرت مكان التليفزيون ووضعت اتنين من كراسي الانتريه متلاصقين بعد أن كانوا كل واحد في اتجاه كي نجلس عليهم أنا وعمر ، طبعاً السفره لم أجرؤ على تحريكها لأنها تحتاج بلدوزر بشري يحركها .. أكيد اللي بيعملوا الفرش دول من كوكب المريخ أو فاكرين إن العريس هرقليز والعروسه زينه !!! لكني غيرت الفضيّات الموجوده في النيش بأخرى لامعه واضفت لها تحف صغيره كانت مركونه .. وأخرجت مفرش سفره جديد لم أستخدمه من قبل وفرشته ووضعت فازه كبيره بها ورود أكثر إشراقاً ، وحجره نومنا غيّرت ترتيب كل جزء بها .. السرير مكان الدولاب والتسريحه مكان الشوفنيره وفرشت مفرش يوم الدخله الذي لم أستخدمه إلا لأيام معدوده وعلقت صوره زفافنا الكبيره التي رفض عمر تعليقها في الصالون .. ووعدني بتعليقها في غرفتنا وطبعاً نسي أو كسل ، الحمد لله الشغاله موجوده تعيش حياتها هيّ وتعلقها على راحتها ، وأيضاً مجموعه من صورنا أيام شهر العسل وضعتها في برواز ووضعتها على الكومدينو ليراها قبل النوم .. الله الله أعطت الغرفه شكل رائع .. أكيد حايعجب عمر ، وأخيراً حجره عمر التي يعمل بها مشاريعه الهندسيه .. لم أرد أن أغير من طابعها الرجالي .. فكان يحتفظ فيها بسريره القديم أيام العزوبيه ودولابه الصغير قبل أن يتزوج والآن يضع به أوراقه وكتبه .. وده طبعاً لأننا لم نملك وقت الجهاز أن نشتري حجره معيشه أو حجره أطفال جديده فكان هذا هو الحل ..... طيب اعمل فيها إيه ؟ بعد أن قمنا بتنظيفها فكرت في فكره جديده وهي أن أغير كل الصور العائليه التي يضعها في براويز على مكتبه بصور أعز أصدقائه الشباب وأخرجت الألبوم سريعاً وأخرجت صور أفضل 5 أصدقاء له ووضعتها بشكل بارز له وطبعاً سيدهش من هذا ويقول مراتي اتجننت !!!.. لأن الزوجه بعد زواجها بتحاول بشتى الطرق أن تبعد زوجها عن أصدقائه القدامى كي تظل وحدها معه ولا تعرف إنها بهذا بتخنقه ليهرب منها ويذهب لهم أكثر من الأول ، خلاص أخيييييييراً انهينا المعركه الحربيه وأصبحت الشقه مختلفه تماماً وازدادت جمالاً .. ومشيت الشغاله وهي أكيد بتدعي عليّ وعلى جناني الرسمي ، وبعد أن أنهيت كل شيء في الشقه ارتديت ملابسي ونزلت بسرعه للكوافيره اللي في نفس الشارع والتي قلّت زياراتي لها للأسف توفيراً للنفقات وأصبحت اعمل شعري في البيت وخلاص !! وقبل أن أدخل لها اشتريت جريدتنا المفضله أنا وعمر – فاكرينها ؟- والتي كنا نقرأها أيام الخطوبه ونتناقش في كل مقالاتها ولغبائي لم أعد أشتريها بعد الزواج .. له حق يزهق مني .. طيب حانجيب كلام نتكلمه منين ؟ لازم أحداث جديده نتكلم فيها علشان أجذب انتباهه لي ، وطلبت من الكوافيره أن تقص شعري قصه جديده وهو ما كنت ارفضه دوماً تمسكاً مني بشعري الطويل وتسريحتى التقليديه .. فقصت لي قصه جديده جعلت خصلات شعري متدرجه ومحيطه بوجهي فأظهرت استدراته وزادتني جمالاً واقترحت عليّ تلوين بعض الخصلات به فخفت ورفضت .. ثم بعد إلحاح منها وافقت وتركتها تعمل وأنا اقرأ في الجريده وإذا بعمر يتصل بي على الموبايل ، يا خبر .. كده المفاجأه حاتبوظ لو سمع دوشة الكوافيره ، فجريت على الحمام واغلقت بابه عليا بإحكام ورديت عليه متصنعه الإعياء وطلبت منه أن يحضر أكل معاه لأني مش قادره اعمل حاجه خاااااااالص !!! والحمد لله لم يلاحظ شيء بل بالعكس ازداد قلقاً على وندماً انه سابني وأنا تعبانه ، ورجعت للكوافيره وجدتها بتصرخ لأن الصبغه مازالت على شعري .. بس الحمد لله ربنا ستر ولم يطلع اللون بنفسجي !!! بل بالعكس في صورته النهائيه كانت النتيجه مبهره لم أعرف نفسي بجد في المرآه ، الله يكون في عونك يا عم عمر على اللي حاتشوفه ، ورجعت البيت وأنا أشعر إني امرأه جديده وبيتي هو الأخر جديد وأشعر بانتعاش جميل .. وارتديت طقم كنت أرتديه أيام الخطوبه !! وتزينت و أدرت موسيقى ناعمه في أنحاء المنزل ، جلستُ في انتظاره وكما توقعت جاء قبل ميعاده بنصف ساعه وأول ما فتح الباب ورأي التغيير المدمر عاد خطوتين للخلف واتلخبط وكاد يرجع ويصرخ في العماره : شقتي اتسرقت يا جدعااااااااان ، ثم دخل وظل صامتاً للحظات وهو يقلب نظره بين الفرش وبيني وهو لا ينطق إلا كلمه واحده : إيه ده .. إيه ده ؟
ثم أخيراً نظر لي بإعجاب كبير جداً وقال : يعني مش تعبانه ولا حاجه .. طيب القمر دي مراتي ولا حد تاني يا مدام ؟

أنا : ........ ؟

وأضاءت ملامح وجهه بالسعاده والحب وهو يهمس لي : يا مجنونه كل ده عملتيه علشاني أنا ؟

قلت : طبعاً .. إنت حبيبي ونفسي أشوفك سعيد معايا .. انشاالله أهد الدنيا علشان تكون راضي عني

قال ووجهه يشرق بابتسامه : ربنا يخليكي ليّا طووووووول العمر

الى اللقاء مع الحلقه القادمه

زائر

هااااااااااااااااااااااااااااايلة يا روكا

القصة جميلة جدا

كملى بسرعة

wooooooooooooooooooooow
bgd etnen a7la mn b3d
rabena y5lehom lb3d
thnx rokaaaaaaaaaaaa

الحلقه العاشره

قال عمر

يا سلاااام يا سي عمر الله وبقيت زوج خلاص وبتخاف على كل مليم يحتاجه البيت !! فين أيام الفسح والانطلاق والمصاريف بدون حساب ؟ وكان دايماً والدي يقول لي لما تتحمل المسئوليه حاتتغير وتعقل ولم أكن أصدقه ، خلاص خلصت الأيام دي وخصوصاً مع الأسعار التي لا ترحم ، أصبحت لا أفكر الا في ما يحتاجه المنزل والضروريات مثل الطبيب والميكانيكي والسباك وخلافه ممن يهجمون على جيوبي فيجعلونها بيضاء لامعه من غير سوء ، بس برضه إحساس غريب إني لما أشتري شيء جديد للمنزل أنا وساره بأشعر بالسعاده على عكس ما كنت متخيل !! كنت أتصور وأنا عازب إن لو مر أسبوع لم أخرج فيه مع أصحابي في فسحه محترمه ممكن يحصل لي حاجه في عقلي ، لكن دلوقتي باجد لذه كبيره أن أضيف شيء للبيت حتى لو كان بسيط جداً .. فأشعر بجد إني وقتها رجل البيت .. وخروجي مع أصحابي أصبح في أبسط الأماكن التي لا تكلف الكثير وطبعا أسمع تريقه للصبح إني باوفر علشان أشتري الجرنال وبطيخه للمدام وأنا راجع !!! أمال اللي عندهم أطفال بيعملوا إيه
ربنا يستر

قالت ساره

يا رب يا سميع يا مجيب حقق لي أملي .. ارزقني كما رزقتَ زكريا .. هب لي ذريه صالحه ، اللهم اجعلني أمّاً ، ناجيت الله كثيرا بعد صلاه العشاء أن يحقق لي أملي ويهب لي طفلاً أسعد به ويملأ عليّ دنياي أنا وزوجي ، لا أعرف كيف اجتاحني إحساس الأمومه من أول ما تزوجت ؟.. كنت وأنا بنت إحساسي بالأطفال مختلف .. لم يكن عندي صبر طويل معهم ، أحب الطفل وهو يلعب ويضحك وأول ما يبكي تنقطع الصله بيني وبينه وأرميه لأمه فوراً ، ماذا حدث ؟ سبحان الله القدير .. أحنّ لشيء لم أره !! ونفسي تهفو لأن تجاور دقات قلبه جسدي وأضمه بين ضلوعي ، كيف حدث هذا الانقلاب ؟ يا رب يا رب هبه لي هبه مباركه من عندك .. قد لا أكون أهلاً لهذه الهديه ولكنك أهلاً لهذا العطاء يا سميع يا مجيب ، أكاد أجن من شده وطأه هذا الشعور والحنين القاتل لأن أكون أماً والغريب أن عمر لا يساوره هذا الإحساس مثلي .. بل يحمل خوف من مصاريف الأطفال ومسئوليتهم الكبيره ، رغم انه حنون جداً على الأطفال يمكن أكثر مني !! كيف هذا ؟ يمكن انه يذكر ذلك كي لا يجرح مشاعري أو انه فعلاً لا يشتاق مثلي هذا الاشتياق الجنوني ؟ لا أعرف ، يا رب .. يا رب ، وما يجرحني بشده ويزيد عندي الإحساس إني تأخرت في الحمل هو سؤال الناس الدائم لي : هاااا ... مافيش حاجه حلوه جإيه في الطريق ؟ أول ما أسمع كلمه هاااا الكريهه أتجنن ، خلاص السؤال ده أصبحت أهرب منه من الجميع ، وكأن الموضوع بيدي وأنا التي لا أريد ، آه لو كل الناس تكون في حالها ، حتى مكالمات التليفون من خالاتي أو أقارب عمر تكاد كلمه هاااا تحل محل ألو ، هو أنا باتدخّل في خصوصيات الناس بهذا الشكل ؟ يمكن لو لم تكن الأسئله تحيطني في كل مكان لم يكن الإحساس عندي تضخم في هذا الشكل .. وبعدين هو الحمل بيستخبى ازاي يعني ؟! ماهو أكيد لما حايحصل كل الناس حاتعرف ولا حاخرج وأسيب بطني في البيت ؟ وحماتي ما شاء الله عليها لها دور كبيييييير جداً !!! تحيطني بكميه من العبارات الجارحه التي لا تتوقف وكأننا متزوجين من عشره سنين وليس 8 أشهر ؟ معقول العقل ده ؟ طول ما احنا بنزورها وخصوصاً في غياب عمر تحيطني بعبارات من نوعيه : عيني عليك يا عمر بتموت في الأطفال ، دي فلانه ما شاء الله حملت من يوم الدخله ، ما بتفكريش تروحي لدكتور يا ساره ؟ ولم أكن أرد أو أحكي لعمر كي لا يغضب .. ولكن من داخلي كانت تجرحني في أنوثتي دون مراعاة لشعوري وكأنها تسعد بهذا ، وكانت تعلم ميعادي الشهري باليوم وفي اليوم المنتظر صباحاً تتصل بي كل شهر وتسأل سؤالها المعهود : جاءت ؟.. وأنكسر وأنا أرد بالإيجاب .. فتنهي المكالمه بغضب وتكاد تغلق السماعه في وجهي ، وفي آخر هذه المكالمات القاسيه أجهشت في البكاء حتى استيقظ عمر ، وانتفض لما رآني منهاره بهذا الشكل ، وسألني عما بي وهو يقرأ على رأسي آيات من القران كي أهدأ.. فلم أحتمل أن أخفي أكثر من ذلك وحكيت له عما حدث ، فسمعني وهو يكاد يغلي من الغضب ، ولكنه كظم غيظه ورد عليّ بحنان
حقك على يا حبيبتي نيابةً عن ماما

فأقول له : طيب ليه تقول لي الكلام ده ؟.. هيّ دي حاجه في إيدي ؟ ولا أنا يعني اللي مانعه الحمل ؟

عمـر : معلش يا ساره ، انتي عارفه ماما بتحبني قد إيه ونفسها تشوف أولادي

فصرخت فيه : يعني أنا اللي مش نفسي ؟ لا حول ولا قوه الا بالله .. ده أنا مافيش واحده قالت لي على نصيحه حريمي الا وعملتها .. ومافيش فاكهه أو أكل قالوا عليه بيساعد على الحمل الا واكلته .. وطول الليل بادعي ربنا .. اعمل إيه تاني بس ؟

عمـر : إيه يا بنتي الجنان ده كله ؟ هو احنا بقالنا ميت سنه متجوزين ؟ ليه كل ده ؟

رديت بعصبيه : ليييييييييه ؟.. دي الناس كلها متفرّغه تسألني أنا حامل ولا لأ ؟.. كأنه استجواب أو اتهام بالتقصير مثلاً

عمـر : يا حبيبتي دول ناس فاضيه ما تسأليش فيهم .. همّا الناس كده يسألوا البنت أول ما تدخل الجامعه : مافيش عريس ولاّ إيه ؟.. ولما تتخطب : هااا الجواز إمتى عاوزين نفرح بيكم ؟.. وأول ما يجوزوا : مافيش بيبي في السكه ؟.. ولما تجيبي البيبي : يالاّ بقى همتك هاتي له أخ يلعب معاه ، ولما تجيبي الطفل التاني ويتأكدوا تماماً انك غرقتي في المشاكل يسيبوكي غرقانه وما يسألوش عنك تاني !! بالذمه تعملي اعتبار لناس حشريه كده ؟

أنا : بس أنا خلاص تعبت بجد تعبت .. عمر أنا عاوزه أروح لدكتور .. أرجوك

فرد باستعجاب : دكتور إيه يا حبيبتي لسه بدري أوي على الكلام ده

أنا : معلش ريّحني يا سيدي أنا تعبانه بجد .. علشان أطّمّن بس مش أكثر

عمـر : يا ساره ما تستعجليش رزق الله .. الأطفال دول رزق زي الصحه والمال .. إفرضي يا ستي مش مكتوب لنا نخلف حانعمل إيه يعني ؟

فكدت أنفجر من بروده : طبعاً ماهو الأمومه غريزه لكن الأبوّه بالممارسه .. يعني عمرك ما حاتحس باللي أنا حاسه بيه

عمـر : يا حبيبتي احنا سعداء مع بعض والحمد لله .. مستعجله ليه على المسئوليه ؟

ففاض بي الكيل وصرخت فيه : يووووووه يا عمر أرجوك حس بي وتعال نكشف عند الدكتور أنا وأنت

وكأني طعنته في رجولته فرد بغضب : وأنا كمان !! ليه ؟ أنا كويس وماعنديش مشكله أروح ليه بقي ؟

أنا : يا سلام يا باشمهندش سبت إيه للناس العاديه إيه علاقة ده بالخلفه ؟

فرد بعصبيه : ساره أنا مش عاوز وجع دماغ .. ده أخر كلام عندي عاوزه تروحي للدكتور انتي حره لكن أنا لأ.. لأ.. لأ

أنا : ............. !؟

الدكتوره : إيه يا مدام ساره انتي بتدلعي علينا ولا إيه ؟

أنا : ليه يا دكتوره ؟

الدكتوره : حمل إيه اللي اتأخر ؟ انتي متجوزه يادوب من كام شهر !! ليه الاستعجال ده يا بنتي ؟

فردت أمي نيابةً عني لما رأت احمرار وجهي : ما انتي عارفه زن الناس يا دكتوره خلّوها تقلق

الدكتوره : بصي يا ساره .. التحاليل اللي قدامي بتقول انك سليمه ميه في الميه ولكن القلق اللي انتي فيه ده ممكن يخلوكي فعلاً تتأخري في الحمل .. إهدي واطّمني وسيبي كل حاجه بأمر الله

فرددت بخجل : طيّب يعني يا دكتوره مافيش حاجه تعجّل الحمل شويه ؟

الدكتوره : أنا مش عاوزه ألخبط الهرمونات عندك وأتعبك بجد .. وبعدين زوجك ما عملش التحاليل ليه ؟

أنا: ......... !؟

الدكتوره : رفض طبعاً كالمعتاد مش كده ؟! كل الرجاله في الموضوع ده زي بعض .. الوزير زي الغفير .. قليل أوي اللي بيرضى يكشف وبعد ما تكون مراته اتبهدلت !! ربنا يهدي

سألتها : طيب يا دكتوره أعمل إيه ؟ أنا خلاص حاتجنن

الدكتوره : هو انتي لو مفلسه وطلبتي من ناس فلوس صدقه وقالوا إنهم حايدوهالك واتأخروا عليكي .. حاتروحي تخبطي على بابهم كل يوم بإلحاح ؟

رديت : لأ طبعاً

الدكتوره : بس انتي بتطلبي من ربنا يا ساره مش من الناس .. إلزمي بابه ولن يردك أبداً

وخرجت من عند الدكتوره وأنا في قمة الارتياح .. ارتحت جداً نفسياً إن ليس بي عيب يمنع الإنجاب

اللهم لك الحمد كما ينبغي لجلال وجهك وعظيم سلطانك .. يكفيني هذا الشعور كي أهدأ .. ولن يقلقني أحد بعد الآن ولو سألني أحد سأجيبه : لا تسألني أنا بل اسأل الله

لن أقلق أو أتوتر كي لا يؤثر على نفسيتي كما قالت الدكتوره ، طيب وموقف عمر المتخاذل معي ؟ ماذا أفعل معه ؟.. أتشاجر ؟ أخاصمه ؟ لا لا .. لن أفعل كل هذا كي لا أغضب الله ، وأنا في أمس الحاجه لرضاه .. ولا أريد أن أعصى الله بغضب عمر مني ، لأن ما عند الله لا يؤخذ بمعصيته ، أفقت من سرحاني على صوت أمي تقول لي : ما تزعليش يا ساره من عمر .. هم كل الرجاله بياخدوا المواضيع دي بحساسيه ، ففاجأها ردي : لا يا ماما أزعل ليه يعني هو ده اللي حايعجّل اللي ربنا كاتبه ؟.. وبعدين أنا ما أقدرش أزعل منه أبداً ، فردت بغيظ : طيب يا ستي ربنا يخليه ليكي .. أنا الحق عليا ، وجاء عمر ليأخذني من عند ماما .. وفي السياره كان يتوقع مني البوز المتين واني أتخانق أو حتى أبكي وقصصت عليه ما قالته الدكتوره بكل بساطه وبدون لوم .. فصمت طويلاً وخجل من نفسه وقال لي : أنا أسف يا ساره ، لم أرد .. فواصل الكلام : أنا مش عارف سبتك ليه تروحي للدكتوره مع ماما ؟ بجد أنا غلطان .. حقّك عليا

رديت عليه وقلت : أنا فعلاً زعلت منك لكن قدّرت انك واخد الموضوع بحساسيه فخلاص يا سيدي ولا يهمك

أسعدته كلماتي فقال : ربنا يخليكي لي يا عمري ويكملك بعقلك .. وأقول لك حاجه حتى لو خلّفنا مش حاحب ابننا أكتر منك

أنا: ......... !؟

ومرّت الأيام التاليه وأنا هادئه تماماً ، وأدعو الله ليلاً ونهاراً وبتضرع وتذلل ولكن باطمئنان ويقين داخلي انه لن يردني أبداً ، ولن يتركني خاليه الوفاض ، وأبعدت أعصابي تماماً عن التوتر ، وأكثرت كثيراً من الصدقات خلاف صدقات حصالتنا الاسبوعيه أنا وعمر ، وحماتي العزيزه واصلت بالطبع حملاتها الشرسه ضدي وأنا لا أرد ولا أعيرها اهتمام .. حتى فاض بي الكيل من أسئلتها الناريه والمستفزه فرددت عليها ذات مره بهدوء وأدب حتى أغلق هذا الباب نهائياً : واضح يا طنط إن الموضوع ده قالقك أوي وأنا عارفه إن ده من كتر حبك ليّا !! بس أنا بصراحه مش باحب أتكلم مع حد في خصوصياتي .. ده حتى ماما مش بتتكلم فيه خالص .. تتصوري يا طنط ؟

حماتي: ........ !؟

والغريب إن عمر كان جالس في هذا الحوار ولم يغضب مني كما توقعت !! بل بالعكس ابتسم وغمز لي بعينه وتظاهر انه يقرأ الجريده كي لا تقتله أمه ، وأخيييييييييييراً جاء ميعادي الشهري الذي انتظره على أحر من الجمر ، والحمد لله لم تتصل حماتي لتسألني سؤالها الشهري المعتاد ، ومر اليوم بطيئاً بطيئاً دون حدوث شيء !! وكل دقيقه أترقب وأدعو ألاّ يحدث ، ومر اليوم التالي وأنا في عملي ولا أركز إطلاقاً الا في ترقب ما سيحدث ؟ وهل ستتأخر شارة أنوثتي يوماً آخر ؟ يا رب .. يا رب ، ومر يومان آخران وأنا أكاد أجن من التوتر الممزوج بفرح غامض ، هل يكون قد حدث ؟؟ ولاحظ عمر إني لم أنقطع عن الصلاه كالمعتاد فسألني بترقّب : إيه يا ساره فيه إيه ؟ بتصلي ليه ؟

ولم أرد أن أخبره الا لما أتأكد أولا فضحكت وقلت له : أصلي أشهرت إسلامي قريب ، وطبعاً لم ينخدع بهزاري ولكنه لم يرد أن يسأل هو الأخر كي لا يصاب بإحباط ، وعند مرور خمسه أيام لم أطق الانتظار .. وبدون أن أخبر أحد اشتريت اختبار حمل منزلي و قرأت تعليماته : علامه حمراء واحده لا يوجد حمل وعلامتان أي يوجد حمل ، وأجريته ، ومرت الثواني بطييييييييييئه وأنا أغمض عيني كي لا أرى ، وأخييراً امتد اللون الأحمر ببطء ليرسم علامتين .... علامتين ؟ يعني أنا .. أنا ؟ حااااامل ؟ وخرجت من الحمام وهبطت بكامل هيئتي في سجده شكر طويله وبللت دموعي الشاكره وجهي ، ولهج صوتي بالدعاء وكل خليه مني ترتعد من فرط السعاده والشكر بهبة الله الغاليه التي أودعها جسدي ، كيف أشكر هذه النعمه ؟ وكيف أصونها ؟ وكيف أخبر عمر وماذا تكون رده فعله ؟ وكيف أخبر الجميع ؟ أشعر إني أريد أن أصرخ في الشارع وأوقف الماره وأخبرهم : أناااا حاااااااااااامل

الى اللقاء مع الحلقه القادمه

rabena ykmlha 3la 5eeeeeeer ya rab
bgd sh5syat elkesa de bd2t at3wed 3lehom
thnxxxxxxxxxxx roka

tyb tsmeeh sally maleesh da3waaaaaaaaaaa

w ha7dr el sboo3 kman lool

أحلي توبيك بقراه في المنتدي
و هستني كل حلقه علي أحر من الجمر

» يوميات بابا عمر وماما ساره